Banorët shqiptarë të veriut të Mitrovicës, përfshirë këtu edhe përfaqësuesit e organizatës ‘Këshilli i veriut’, kanë shprehur shqetësimin në lidhje me gjendjen e tyre aktuale në atë pjesë, sidomos me erërat toksike që vinë nga një fabrikë e përpunimit të vajrave motorike e cila ndodhet në afërsi të lagjes së tyre.
Ata, gjatë një konference për media të mbajtur sot në veri të qytetit të Mitrovicës, kanë kërkuar mbështetje më të madhe nga institucionet e vendit, për shkak të gjendjes siç e quajtën ata, të papërballueshme të tyre në veri.
Florent Azemi, banor i ‘Lagjes së boshnjakëve’, ka potencuar problemin e papunësisë, përkujdesjes sociale dhe probleme tjera me të cilat ballafaqohen banorët shqiptarë të veriut, duke vënë theksin së fundi edhe me problemin e kundërmimit nga i cili siç tha ai, po rrezikohet shëndeti i këtyre banorëve.
Ai ka apeluar tek institucionet e vendit, sidomos kryeministri Mustafa, se është koha e fundit që të orientohen nga veriu dhe banorët atje.
“Gjendja e papunësisë në veri është marramendëse, nuk mundemi me kuptu që tani e 18 vite nuk ka punësim fare. Pastaj, nuk kemi as mbështetje sociale… Kemi mbetur vetëm, askush nuk po përkujdeset për neve. Krahas gjithë kësaj gjendje,… neve kohëve të fundit, muajin e fundit po na rëndojnë shumë erërat toksike, sigurisht janë edhe kancerogjene, të cilat vijnë nga një fabrikë që është afër diku rreth 50 metra…Edhe pse ne për tre-katër muaj kemi ngritur këtë problem, por kemi hasur në veshë të shurdhër. Këto mbetje toksike e kanë rënduar tejmase mbijetesën tonë…Përveç që nuk kemi ndihmë apo jemi lënë në harresë institucionale, neve po na vjen tash nga komuna e jugut në një formë edhe një helmim, për arsye se kemi kërkuar intervenim mjekësor për disa herë radhazi nëpër qendrat shëndetësore… Edhe pse qeveria na ka harruar neve, ne nu k e kemi harruar atë. Është koha e fundit dhe ne bëjmë apel institucioneve të Kosovës, në veçanti kryeministrit Isa Mustafa, që të orientohet nga veriu, duke marrë parasysh se kjo gjendje është e papërballueshme”, ka thënë Azemi.
Bashkim Cimili, asamblist i Kuvendit Komunal në veri të Mitrovicës, ka bërë të ditur se problemin e kundërmimit e ka orientuar tek krerët e institucioneve lokale në të dyja pjesët e qytetit, por deri tani pa ndonjë sukses.
“Unë si asamblist këtë çështje e kam ngritur edhe në Kuvendin Komunal në veri, dhe kam kontaktuar me kryetarin Rakiq, që ta thërras homologun e tij Bahtiri, meqë ajo fabrikë ndodhet në jug, që ta gjejnë ndonjë mënyrë ta ndalojnë apo të paktën të merren vesh me pronarin për t’i rivendosur filterat e asaj fabrike… Ne kemi bërë kërkesë edhe përmes asamblistëve në jug, ju kemi dërguar me shkresë një kërkesë që të merren me këtë punë sepse kjo është një çështje serioze që po ndikon negativisht në shëndetin e qytetarëve por nuk ka pasur reflektim në lidhje me këtë çështje”, tha Cimili.
Në anën tjetër, Nexhat Uglanin, përfaqësues I banorëve të komunitetit boshnjak në veri, ka paralajmëruar protesta në rast se ky problem nuk zgjidhet. Sipas tij, banorët e këtushëm ditën e nesërme të pavarësisë nuk ishte dashur ta presin në një gjendje të tillë të rënduar për shëndetin e tyre.
“Kjo është parapërgatitje që popullata duhet të çohet dhe të dalin më shumë në protesta, sepse data e pavarësisë që është nesër, ne duhet me hijeshu pavarësinë e jo në këtë mënyrë ta presim, sepse na këtë pavarësi akoma nuk e kemi përjetu këtu që 17 vjet”, theksoi Uglanin.
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre