Shqetësimet e një partie serbe: Resurset e Medvegjës po u shiten shqiptarëve, ajo po i bashkohet Kosovës

Lëvizja Serbe “Dveri” ka shprehur shqetësimin se Komuna e Medvegjës, po bëhet pjesë tregtisë antikushtetuese të territorit të Republikës së Serbisë, të cilin po pretendon ta  zbatojë presidenti Aleksandar Vuçiq.

Anëtari i kryesisë së këstij subjekti politik, Predrag Mitroviq, siç raporton “JuGmedia”, thotë se Komuna e Medvegjës është bërë “një bastion strategjik i mafias serbe dhe shqiptare”, e cila është nga autoritetet e Beogradit dhe Prishtinës, nën kujdesin e policisë serbe është destinuar për të shfrytëzuar të gjitha resurset e Komunës së Medvegjës dhe të mbush arkat partiake të SNS (Partisë Progresiste Serbe) dhe SPS (Partisë Socialiste të Serbisë) [partitë e Vuçiqit dhe Daçiqit].

“Personalisht paralajmëroj qytetarët e Komunës së Medvegjës dhe tërheqë vëmendjen për privilegje të vogla, premtime për punësim pas shitjes së banjës [Siarinës], minierës Lece, AIK-ut, mbyllja e syve ndaj grabitjes së qartë dhe kombinimeve që po zbaton qeveria aktuale në bashkëveprim me investitorët shqiptarë, të mos jenë çmimi i të vërtetës së hidhur – zgjimi në përbërjen e një shteti tjetër Kosovës Lindore”, thotë Mitrovica në një tekst autorial, përcjell Telegrafi.

Ai ka dënuar faktin se të gjithë udhëheqësve të njësive të brendshme organizative në Administratën Komunale Medvegjës dhe shefave të departamenteve dhe sektorëve të pushtetit lokal në Medvegjë, janë urdhëruar që në mënyrë obligative ta mësojnë gjuhën shqipe. /Telegrafi/