Norvegji, shpëtohen 1,300 pasagjerë të bllokuar në det (Video)

Ekipet e shpëtimit kanë punuar gjatë natës së shtune për të shpëtuar 1,300 pasagjerë të cilët kishin mbetur të bllokuar në një anije jashtë bregut perëndimor të Norvegjisë u arrit të shpëtoheshin nga ekipet e shpëtimit pas një pune intensive gjatë gjithë natës së të shtunës, thanë autoritetet.

Policia në qarkun e More og Romsdal tha se anija pësoi defekt me motorin dhe të gjithë personat që ishin në bordin e mjetit lundrues u evakuuan në breg.

Agjencia e Shpëtimit të Detit në Norvegji tha se anija “Viking Ship” e cila zotërohet nga “Viking Ocean Crusies”, dërgoi një sinjal alarmi mes dallgëve të larta dhe erërave të forta.

Pesë helikopterë dhe disa anije shpëtimi u thirrën për të ndihmuar.

Një nga anijet e shpëtimit, një transportues me emrin Hagland Captain,  gjithashtu e humbi fuqinë e motorit dhe dy helikopterë u devijuan për të shpëtuar ekuipazhin e saj.

Deri të dielën në mëngjes, anija kishte arritur të vinte në punë tre nga katër motorët e saj dhe po përpiqej të ankorohej pranë portit më të afërt.

“Ishim duke ngrënë drekë kur anija filloi të dridhej”, tha John Curry, i cili u evakuua me helikopter.

“Dritaret u thyen dhe uji hyri brenda. Ishte thjesht kaos. Udhëtimi në helikopter, më mirë do ta harroj. Nuk ishte kënaqësi”, tha ai, përcjell OraNews.

Janet Jakobi, i cili u shpëtua gjithashtu, tha për mediat vendase se nuk kishte parë kurrë ndonjë gjë aq të frikshme.

“Unë fillova të lutem, u luta për sigurinë e të gjithëve në bord,” tha ajo. “Udhëtimi me helikopter ishte i tmerrshëm”.