LAJMI I FUNDIT:
Prizreni 14° fair_night

Përfshihet nga zjarri zona turistike e Prevallës, mungesa e ujit dhe terreni i vështirë pengojnë përpjekjet e zjarrfikësve

Përfshihet nga zjarri zona turistike e Prevallës, mungesa e ujit dhe terreni i vështirë pengojnë përpjekjet e zjarrfikësve

Zjarri që ka shpërthyer në zonën turistike të Prevallës vazhdon të jetë aktiv, duke shkaktuar shqetësime për përhapjen e tij në fshatrat e tjera të Prizrenit.

Agjencia për Mbrojtjen e Mjedisit të Kosovës (AMMK) ka bërë të ditur se situata po monitorohet nga stafi i Parkut Kombëtar “Sharri” dhe një ekip zjarrfikësish, të cilët janë të angazhuar për të mbajtur situatën nën kontroll dhe për të parandaluar përhapjen e mëtejshme të flakëve.

Zjarri është përhapur në drejtim të fshatit turistik të Prevallës, veçanërisht për shkak të erërave të fuqishme që janë shfaqur gjatë pasdites.


Kjo ka krijuar një situatë tepër të rrezikshme, e cila është përkeqësuar nga mungesa e ujit dhe konfiguracioni i vështirë i terrenit, me burimet ujore që ndodhen rreth dy orë larg nga vatrat e zjarrit.

Në vendngjarje ka qëndruar edhe drejtori i parkut, Bajram Kafexholli, për të vlerësuar situatën dhe për të koordinuar përpjekjet për shuarjen e zjarrit.

Në ndërkohë, kryetari i Aleancës për Ardhmërinë e Kosovës (AAK) në Prizren, Besnik Krasniqi, ka kritikuar ashpër institucionet shtetërore dhe komunale për mosreagimin e duhur ndaj zjarrit.

Në një deklaratë të tij, ai ka theksuar se kjo është një “masakër mjedisore”, duke vënë në pah se pyjet shekullore po digjen dhe nuk është ndërmarrë asnjë veprim konkret për të ndaluar zjarrin.

“Papërgjegjësi totale e Drejtorisë së Emergjencave dhe organeve përgjegjëse! Masakër mjedisore, po digjen pyjet shekullore, nuk ka asnjë veprim konkret për ta ndal këtë zjarr që po na merr asetin më të çmuar që ka Prizreni e Kosova. Mjer ky vend në duar të kujt ka mbetur,” ka shkruar Krasniqi.

Situata mbetet e tensionuar, ndërsa autoritetet po bëjnë përpjekje për të shmangur një katastrofë mjedisore në këtë zonë të rëndësishme turistike të Kosovës./Telegrafi/

Në trend

Më shumë
Vdekja e Agon Zejnullahut, pesë policët e dyshuar për përfshirje arrijnë në Gjykatën Themelore në Lipjan

Vdekja e Agon Zejnullahut, pesë policët e dyshuar për përfshirje arrijnë në Gjykatën Themelore në Lipjan

Drejtësi
NATO ngrit në ajër aeroplanët luftarakë pas sulmeve intensive ruse në Ukrainë

NATO ngrit në ajër aeroplanët luftarakë pas sulmeve intensive ruse në Ukrainë

Evropa
Trump tha se kërcënoi të bombardonte Moskën nëse Putin sulmonte Ukrainën, tregojnë kasetat e mbledhjes së fondeve të vitit 2024

Trump tha se kërcënoi të bombardonte Moskën nëse Putin sulmonte Ukrainën, tregojnë kasetat e mbledhjes së fondeve të vitit 2024

Amerika
Zbulohet arsyeja e sëmurjes së Mbappes dhe humbja e gjashtë kilogramëve

Zbulohet arsyeja e sëmurjes së Mbappes dhe humbja e gjashtë kilogramëve

Ndërkombëtare
Paguan qeveria shqiptare, mund të riparoni falas çatinë ose të vishni muret e shtëpisë

Paguan qeveria shqiptare, mund të riparoni falas çatinë ose të vishni muret e shtëpisë

Lajme
Luis Diaz pranon transferimin te gjiganti evropian

Luis Diaz pranon transferimin te gjiganti evropian

Bundesliga
Kalo në kategori