Shpërthen vullkani Etna, anulohen të gjitha fluturimet për në dhe nga ishulli italian i Sicilisë

Udhëtimi për në dhe nga ishulli italian i Sicilisë është aktualisht i ndërprerë për shkak të një shpërthimi vullkanik.

Aeroporti ndërkombëtar i Katanias është mbyllur për shkak të lavës dhe hirit të malit Etna, shkruajnë mediat e huaja, përcjell Telegrafi.

Menaxhmenti i aeroportit tha: “Pezullimi do të rezultojë në anulime dhe/ose ndryshim të rrugës drejt aeroporteve të tjera”, duke thënë se operimet normale do të rifillonin sapo të mbaronin “reshjet e hirit”.

#Etna live: alzate il volume e ascoltate il respiro della Terra! La Voragine fa ancora la voce grossa con le fontane di lava che raggiungono altezze di svariate centinaia di metri, boati continui e una colonna eruttiva carica di cenere. Video di Guide Vulcanologiche Etna Nord pic.twitter.com/f474F3iAC5

— Il Mondo dei Terremoti (@mondoterremoti) July 23, 2024

Linja ajrore Aeroitalia ka raportuar se aeroporti do të jetë i mbyllur deri në orën 18:00 të mbrëmjes së sotme (e martë).

Asnjë fluturim nuk zbarkohet ose niset në Catania që është në bregun lindor të ishullit. Disa fluturime janë duke u devijuar në aeroportin e Palermos dhe Comiso ndërsa të tjera janë anuluar.

Autoritetet e aeroportit po këshillojnë pasagjerët që duhet të fluturojnë nga Catania që të kontrollojnë statusin e fluturimit të tyre përpara se të nisen për në aeroport.

Megjithëse nuk janë dhënë numra zyrtarë, bordet e nisjes së aeroportit aktualisht tregojnë fluturime të anuluara deri në orën 14:00 me orën lokale. Nuk jepet status për fluturimet pas kësaj kohe. /Telegrafi/