LAJMI I FUNDIT:

Shoqata e pacientëve në Ditën botërore të shëndetësisë: Asnjë qeveri nuk i dha prioritet shëndetësisë

Shoqata e pacientëve në Ditën botërore të shëndetësisë: Asnjë qeveri nuk i dha prioritet shëndetësisë

Shoqata e të Drejtave të Pacientëve në Kosovë (PRAK) me rastin e 7 prillit, Ditës botërore të shëndetit thekson se kjo ditë në Kosovë le të jetë ditë thirrjeje dhe reflektimi për liderët e vendit pasi që nga paslufta, asnjë qeveri nuk i dha prioritet shëndetësisë.

Dita Botërore e Shëndetit është një ditë globale e ndërgjegjësimit shëndetësor që shënohet çdo vit më 7 Prill, nën kujdesin e Organizatës Botërore të Shëndetësisë (OBSH).

PRAK thekson se në këtë kohë pandemie, sa është e rëndësishme që ne si individ, secili të reflektojmë për rëndësinë e shëndetit dhe mirëmbajtjes së tij, po aq është e nevojshme që edhe si kolektiv të reflektojmë rreth rëndësisë së sistemit shëndetësor dhe mirëmbajtjes së tij.

“Edhe mbi dy dekada pas luftës, Kosova vazhdon ta ketë një sistem shëndetësor me provizion direkt ku ofruesit shëndetësor paguhen në bazë të inputeve sipas kualifikimit dhe jo në bazë të performancës së tyre. Ky lloj organizimi aplikohet në vendet me sistem të rrënuar pas konflikteve dhe në disa vende të botës të tretë. Që nga paslufta, asnjë qeveri nuk i dha prioritet shëndetësisë. Shpenzimet publike në shëndetësi asnjëherë nuk u rritën mbi 3% të GDP”, thuhet në reagim.

Sipas PRAK-ut, politikbërja sistemin shëndetësor në Kosovë duhet ta vë në prioritet përtej dokumenteve politike.

“Qeveria aktuale, sado që është në detyrë dhe është në një gjendje emergjente, duhet të lëvizë përtej politikave ditore emergjente. Duhet të shfrytëzohet ky momentum dhe të formohet një ta quajmë: ‘Grupi për Avancimin e Shëndetësisë’ (këshill, komitet, apo sido që të quhet), i cili do të përbëhej kryesisht nga profesionistë, akademikë, shoqëri civile e më pak politikanë. Ky Grup pastaj të mobilizojë nëngrupe të tjera profesionale për ta hartuar një plan se ‘Çfarë Shëndetësie duam për Kosovën’, thuhet në reagim.

Sipas PRAK, ky plan strategjik për sektorin e shëndetësisë në Kosovë le të jetë i ndarë në tri etapa: Plani afatgjatë – shëndetësia 2030; Plani afatmesëm – reforma e financimit në shëndetësi 2025 dhe Plani afatshkurtër – riorganizimi i sistemit shëndetësor 2022.

Më tej thuhet se ajo që i nevojitet Kosovës është që të ketë më shumë vullnet politik për t’i shtyrë këto procese përpara, e më pak interferim të politikës ditore për efekte opinioni. /Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori