Shoku i ngushtë i Messit tregon se kur do të largohet ai saktësisht nga Barcelona

Maxi Rodriguez flet për dëshirën e yllit argjentinas të Barcelonës për të luajtur me fanellën e kuqezi të Newell Old Boys.

Në fakt, pesë herë fituesi i “Topit të Artë” festoi në fundjavë. Përtej fitores me Valencian, gëzimi më i madh i erdhi nga Argjentina. Si shumë tifozë të tjerë, edhe Messi u lumturua për suksesin e skuadrës së qytetit ku ka lindur.

Në momentet e fundit, Newell’s Old Boys e mundi Rosario Central në fushën e vet. Ky ishte një sukses i mikut të Leos, Maxi Rodriguez.

Ky i fundit, që ka luajtur me Atletico Madridin, foli për një dëshirë të të gjithë tifozëve, madje edhe të vetë Messit: që të luajë me fanellën e kuqezi.

“Shpresojmë se një ditë ne do ta kemi këtë mundësi. Unë mendoj se nëse do të materializohet ky plan, Messi me siguri do të vijë te Newell pas Kupës së Botës së Rusisë”.

Kjo është një çështje që prek shumë tifozët. Vetë Maxi, i cili u largua nga Anglia për të shkuar te klubi i qytetit ku ka lindur, ka thënë se Messi i ka folur disa herë për kthimin e tij te Newell, klubi i njërit prej qyteteve më të pasionuar mbas futbollit.

“Tërë Rosario është revolucionarizuar, kur Leo tha se synon të mbyllë karrierën në Argjentinë, në klubin tonë,”. saktëson Maxi Rodriguez.