Shoferja hodhi një pije në një veturë të Hondas, por nuk shpëtoi pa gjobë

Ata që besojnë në karma vetëm do të tundin kokën të kënaqur në epilogun e ngjarjes të regjistruar së fundmi nga kamera e vëzhgimit.

Ndërsa po udhëtonte për në shfaqjen SEMA në Las Vegas, Ron Baugh ishte dëshmitar i një ngjarjeje mahnitëse që e bëri të qeshte.

Një kamera vëzhgimi në automjetin e tij kap trafikun para tij. Do të dalloni lehtësisht një Honda NSX të kuqe në fotografi dhe më pas do t’i kushtoni vëmendje anës së majtë.

Një Honda Civic e zezë afrohet me dritare të hapur dhe më pas bashkë-shoferi, i revoltuar nga gjendja perfekte e NSX, i hedh një gotë pije veturës. Një moment më vonë, trafiku ngadalësohet dhe Honda e zezë përfundon në pjesën e pasme të Cadillac.

View this post on Instagram

A post shared by Ron Baugh (@777style)

Ronan e ka bërë shumë për të qeshur ngjarjen, të cilën e shohim përmes dy pamjeve, përfshirë edhe atë që filmon shoferin në veturë. Edhe muzika që ka dëgjuar ka qenë e sinkronizuar me momentin e përplasjes, e kanë vënë re shumë ndjekës.

Ndonëse përplasja nuk ka ndodhur me shpejtësi të madhe, në Civic janë aktivizuar jastëkët e ajrit dhe nuk dihet nëse në fund drejtuesi dhe bashkëdrejtuesi i vrazhdë janë lënduar.

Fatkeqësisht, në këtë aksident, i cili tregon qartë se sa e rëndësishme është monitorimi i trafikut para jush, mbeti i vrarë edhe një Cadillac i pafajshëm, pjesa e pasme e së cilës do të ketë nevojë për një riparim të plotë.

Shikoni Hondan e përsosur më poshtë që e revoltoi aq shumë bashkë-shoferin në Civic. /Telegrafi/