Shmangu takimin me Angelina Jolie – Brad Pitt shkoi në Festivalin e Filmit në Venecia pas largimit të ish-bashkëshortes

Angelina Jolie u largua nga Italia pas premierës së filmit “Maria” në Festivalin e 81-të të Filmit në Venecia dhe Brad Pitt erdhi për shfaqjen e filmit “Wolfs”, në të cilin luan me George Clooney.

Brad mori me vete partneren e tij 26 vite më të re, Ines de Ramon, me të cilën u fotografua në Venecia.

Çifti u shoqërua me Amal dhe George Clooney.

Të gjithë ishin në humor të mirë dhe paparacët që i ndiqnin duket se nuk i shqetësonin aspak.

Fotografët i kapën ata teksa udhëtonin nëpër Venecia për në një restorant, ku darkuan së bashku.

Organizatorët siguruan që ish-bashkëshortët të ndaheshin për të shmangur situatat e vështira, shkruante Page Six para fillimit të festivalit.

“Angelina do të jetë e pranishme ditën e parë, të enjten, 29 gusht, dhe më pas do të udhëtojë në Festivalin e Filmit Telluride në Kolorado me regjisorin e Marias Pablo Larrain. Brad vjen në Venecia të shtunën. Nuk ka mundësi që të takohen”, tha ai.

A ishte Angelina në Venecia me të dashurin e saj të ri?

Nga ana tjetër, Angelina shoqërohej nga reperi Akala në Venecia, i cili prej disa kohësh përflitet si partneri i saj i ri. Bëhet fjalë për Kingsley James McLean Daley, me të cilin aktorja është e lidhur që nga fundi i vitit të kaluar.

Jolie dhe Akala e ruajnë lidhjen e tyre nga publiku, por dihet se tashmë kanë udhëtuar bashkë. Në maj të vitit të kaluar, ata vizituan Xhamajkën dhe në fund të dhjetorit u panë duke darkuar në një restorant luksoz në Milano. /Telegrafi/