Vendimi i presidentes së Kosovës, Vjosa Osmani për shkarkimin e Valdete Dakës nga posti i kryetares së Komisionit Qendror të Zgjedhjeve (KQZ), nga anëtarët e këtij institucioni nga partitë opozitare po shihet si angazhim i drejtpërdrejtë për t’i siguruar shumicën e synuar Lëvizjes Vetëvendosjes (LVV) në prag të zgjedhjeve lokale.
Anëtari i KQZ-së nga Lidhja Demokratike e Kosovës, Florian Dushi tha se vendimi i Osmanit është i pambështetur dhe i panevojshëm në fazën në të cilën gjendet KQZ-ja.
Siç tha ai shkarkimi i kryesueses së KQZ-së vetëm një ditë para shpalljes së zgjedhjeve lokale paraqet goditje të rëndë për KQZ-në.
Sipas tij, shkarkimi i Dakës, paraqet goditje të rëndë për KQZ-në dhe pavarësinë e këtij institucioni.
“Shkarkimi i kryesueses së KQZ-së vetëm një ditë para shpalljes së zgjedhjeve lokale paraqet goditje të rëndë për KQZ-në dhe pavarësinë e këtij institucioni që ka përgjegjësi dhe autorizime tejet të ndjeshme në Republikën e Kosovës”, ka thënë Dushi.
Mirëpo Dushi po ashtu vlerësoi se vendimi i Osmanit shihet si angazhim i drejtpërdrejtë për t’i siguruar shumicën e synuar Lëvizjes Vetëvendosjes në prag të zgjedhjeve lokale.
“Prandaj, me të drejtë kjo ndërmarrje e presidentes shihet si angazhim i saj i drejtpërdrejtë për t’i siguruar shumicën e synuar Lëvizjes Vetëvendosjes në prag të zgjedhjeve lokale”, tha Dushi për Telegrafin.
Edhe Arianit Elshani nga Partia Demokratike e Kosovës (PDK), për Telegrafin tha se shkarkimi i saj është kryekëput politik, duke i shërbyer Lëvizjes Vetëvendosje në vazhdën e kapjes së institucioneve.
“Shkarkimi i saj është kryekëput politik, duke i shërbyer Lëvizjes Vetëvendosje në vazhdën e kapjes së institucioneve. Ky vendim, rrezikon mbarëvajtjen e zgjedhjeve lokale, dëmton rëndë integritetin e KQZ-së dhe demokracinë e vendit tonë”, u shpreh ai.
Arsyetimet e dhëna në vendim, siç tha Elshani janë krejtësisht të paqëndrueshme.
“Arsyetimet e dhëna në vendim janë krejtësisht të paqëndrueshme duke ditur faktin që shumica e vendimeve të përshkruara janë marrë me miratim të të gjithë anëtarëve, e disa prej tyre të sponsorizuara nga LVV”, ka thënë Elshani.
Por, ish kryeshefi i KQZ-së, Mazllum Baraliu vendimin e presidentes Osmani e sheh si një vendim të zakonshëm dhe i bazuar në Kushtetutën e Kosovës.
“E shoh si një vendim ordiner të zakonshëm në kuadër të Kushtetutës, përkundër zërave të ndryshëm. Vendim me bazë dhe argumente. Një vendim i cili ka pasur dhe një zanafillë më herët të një pakënaqësie të performancës me atë institucion i cili është i pavarur. Vendimi ka bazë legjitimiteti dhe legaliteti”, tha ai.
Telegrafi po ashtu ka kontaktuar edhe ish kryesuesit e mëhershëm të KQZ-së, Nesrie Lushta dhe Adnan Merovcin, mirëpo të njëjtin nuk kanë pranuar të japin vlerësim për këtë çështje.
Ndryshe, presidentja e Kosovës, Vjosa Osmani të hënën e ka shkarkuar Valdete Dakën nga pozita e kryetares së KQZ-së, nën arsyetimin se kryesuesi i KQZ-së duhet të jetë i pavarur.
Mirëpo një vendim të tillë, nuk e ka pranuar Daka e cila përmes një konferencë për media të martën tha se vendimi i presidentes së Kosovës, Vjosa Osmani, për shkarkimin e saj nga kjo pozitë, është në kundërshtim me Kushtetutën dhe i pa mbështetur në ligj. Ajo tha se do të ndjekë rrugët ligjore për të mbrojtur të drejtën e saj. /Telegrafi/
Promo
Reklamo këtuLufta Prigozhin - Putin
Më shumëQeveria vendosi: 24 prilli dhe 8 maji ditë jo pune për të gjithë qytetarët
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
”Të lutem avokate le të del nga burgu, po du me u pajtu”, avokatja tregon se shumë gra tërhiqen nga denoncimi i dhunës
Përfaqësuesi i Shqipërisë në KiE: Kosova ka plan të jashtëzakonshëm për të siguruar anëtarësimin në Këshillin e Evropës
Pronari i “Zhitia Turist” tregon se çfarë u është thënë udhëtarëve të ndaluar nga Serbia në kufi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin