“Shihemi në plazh”, trajneri i Hungarisë tallet me Ronaldon dhe Mbappen pas eliminimit nga Euro 2020

Trajneri i Hungarisë, Marco Rossi është tallur me Cristiano Ronaldon dhe Kylian Mbappen pas eliminimit të Portugalisë dhe Francës nga Euro 2020.

Hungaria e Rossit ishte përfshirë në grupin e vdekjes së bashku me Gjermaninë, Francën dhe Portugalinë.

Papritur, ata i mbajtën gjallë shpresat e tyre të kualifikimit deri në minutat e fundit të ndeshjes së fundit të fazës së grupeve, e cila përfundoi në një barazim 2-2 kundër Gjermanisë.

Lexo po ashtu Low vlerëson lartë Hungarinë dhe ndihet i lumtur me kualifikimin e Gjermanisë

Skuadra e Rossit gjithashtu mori një pikë kundër Kampionëve të Botës, Francës, por humbi ndeshjen e tyre të parë të fazës së grupeve kundër Portugalisë.

Sidoqoftë, rrugët e Francës, Portugalisë dhe Gjermanisë në Euro 2020 nuk zgjatën shumë më shumë se ajo e Hungarisë pasi të gjithë u përballën me eliminimin në fazën e 1/8-tës.

Lexo po ashtu “Ronaldo është një kampion i madh, por mund të jetë i bezdisshëm” – trajneri i Hungarisë i zhgënjyer me yllin portugez

Rossi shkoi në mediat sociale për të bërë shaka në lidhje me eliminimin e tyre, duke postuar një foto me Ronaldon, Mbappen dhe Neuerin së bashku me bagazhet e tyre në një plazh.

“Shihemi së shpejti në plazh”, shkroi trajneri italian në gjuhën hungareze, angleze  dhe, natyrisht, italiane. /Telegrafi/

View this post on Instagram

A post shared by Marco Rossi (@mrrossiofficial)