Shell blen ofruesin e karikimit të veturave elektrike Volta për 169 milionë dollarë

Kompanitë e naftës nuk po presin për të parë nëse paratë e shpenzuara në lobim kanë një efekt në ngadalësimin e revolucionit të veturave elektrike dhe kërcimin në një treg që ata e njohin vërtet mirë – furnizimin me karburant.

Shell njoftoi se kanë rënë dakord në blerjen e Volta, kompanisë pronare të rrjetit amerikan për karikimin e veturave elektrike me 3,050 karrikues të shpërndarë në 31 shtete të ndryshme në SHBA, dhe gjithashtu është i pranishëm edhe në Evropë. Volta ka 3,400 stacione të tjera karikimi puna e të cilave planifikohet që të nisë së shpejti.

Me afro 156 milionë euro (169 milionë dollarë), Shell e bleu Volta-n dhe menjëherë mori qasje të menjëhershme të klientëve të tyre. Volta u rendit në vendin e dytë, menjëherë pas Tesla-s, në sondazhin e kënaqësisë së klientëve të vitit 2022. Kompania është mjaft e zgjuar në lidhje me vendet ku instalon stacionet e karikimit – kryesisht tek parkingjet e marketeve, raporton Arena EV, transmeton Telegrafi.

Por kjo është vetëm gjysma e recetës së saj për sukses. Volta është e njohur për stacionet e saj të karikimit me ekrane të mëdha që shfaqin vazhdimisht reklama, e që do të thotë se numri total është mbi 3,000 ekrane me klientët që kalojnë mjaft kohë përpara secilit prej atij ekrani.

Të ardhurat nga reklamat kompensojnë disa nga shpenzimet dhe Volta ka disa nga çmimet më të mira të tarifimit. Në fakt, kompania ofronte tarifim falas kur doli për herë të parë në treg. Plotësojeni me kredencialet e gjelbra falë vetëm energjisë së qëndrueshme që përdoret për të rimbushur veturat elektrike.

Shell nuk është kompania e parë e naftës që lëviz në këtë hapësirë dhe kur shikojmë se kush zotëron rrjetet e karikimit të makinave elektrike, del një pamje mjaft interesante. EVgo për shembull është në pronësi të LS Power, një kompani e gazit natyror.

Në fakt Shell po e largon në heshtje imazhin e kompanisë së naftës dhe po bëhet një biznes energjetik. Tashmë ajo zotëron Greenlots, që u riemërua në Shell Recharge, kompani e cila së bashku me Volta i siguron mbi 57,000 stacione karikimi. Për më tepër, kompania prodhon skuterë elektrikë dhe çdo gjë që mund të arrijë në duart e saj vetëm për t’u dukur jeshile. /Telegrafi/