Shefja e teknologjisë së BE-së, Vestager thotë se sheh arritje të një marrëveshje politike për Ligjin e Inteligjencës Irtificiale këtë vit

Shefja e rregullatorit të teknologjisë në Bashkimin Evropian, Margarethe Vestager, të dielën tha se këtë vit ka gjasa që blloku të arrijë një marrëveshje politike në lidhje me inteligjencën artificiale.

Sipas saj kjo marrëveshje do të hapë rrugën për legjislacionin e parë të madh në botë për inteligjencën artificiale.

Kjo do të pasonte një marrëveshje paraprake të arritur të enjten mbi Aktin e Inteligjencës Artificiale të BE-së, transmeton Telegrafi.

Në një intervistë me Reuters të bërë gjatë takimit të ministrave digjital të G7-tës në Takasaki të Japonisë, Vestager sugjeroi disa masa legjislative për përdorimin e mjeteve të inteligjencës artificiale, të tilla si “detyrimet e etiketimit për imazhet e krijuara nga AI”.

“Nuk kishte asnjë arsye për të hezituar dhe për të pritur që legjislacioni të miratohej për të përshpejtuar diskutimet e nevojshme për të siguruar ndryshimet në të gjitha sistemet ku inteligjenca artificiale do të ketë një ndikim të madh”, shtoi ajo, kur u pyet për hapat përpara se çdo marrëveshje të hyjë në fuqi. /Telegrafi/