Tarifat e reja amerikane për dronët dhe disa prej komponentëve të tyre hynë në fuqi sot, me norma që arrijnë deri në 100%, në kuadër të përpjekjeve të Uashingtonit për të ulur varësinë nga furnizuesit kinezë.
Presidenti amerikan Donald Trump nënshkroi në gusht urdhrin për vendosjen e tarifave, duke përmendur shqetësimet për sigurinë kombëtare dhe synimin për forcimin e zinxhirëve të furnizimit në SHBA.
Dronët me peshë mbi 25 kilogramë, ata me kamera termike dhe baza për ulje e karikim automatik, do të përballen me tarifë 100%, ndërsa dronët më të vegjël do të kenë tarifë prej 25%.
Vendimi vjen në një kohë kur dronët janë bërë një pjesë e rëndësishme e luftës dhe mbikëqyrjes, veçanërisht pas përvojës së luftës në Ukrainë.
SHBA shqetësohet veçanërisht nga varësia ndaj prodhuesve kinezë, me kompaninë DJI që dominon tregun global të dronëve.
Pekini e ka kundërshtuar vendimin, duke paralajmëruar se tarifat mund të dëmtojnë zinxhirët globalë të furnizimit dhe konkurrencën në këtë industri.
