Shtetet e Bashkuara fluturuan me një bombardues supersonik mbi aleatin Korenë e Jugut si pjesë e një stërvitjeje të madhe ajrore të kombinuar.
Stërvitja përfshin qindra aeroplanë luftarakë dhe një shfaqje me një bombardues supersonik vlerësohet si shfaqje force që synonte të frikësonte Korenë e Veriut mbi breshërinë e saj të testeve të raketave balistike këtë javë, shkruan Al Jazeera, përcjell Telegrafi.
Siç vë në pah mediumi në fjalë, të paktën një bombardues B-1B mori pjesë në ditën e fundit të stërvitjes së përbashkët të forcave ajrore SHBA-Kore e Jugut që përfundoi të shtunën, tha ministria e mbrojtjes e Koresë së Jugut.
Dhe stërvitja “Vigilant Storm” – që përfshin rreth 240 aeroplanë luftarakë, duke përfshirë luftarakë të avancuar F-35 nga të dy vendet – ka shkaktuar një reagim nga Koreja e Veriut.
Veriu këtë javë lëshoi dhjetëra raketa në det, duke përfshirë një raketë balistike ndërkontinentale (ICBM) që shkaktoi paralajmërime evakuimi në Japoninë veriore dhe vuri në fluturim aeroplanët e saj luftarakë brenda territorit të saj.
Pheniani tha se Koreja e Veriut do t’i përgjigjet me “kundërveprimin më të ashpër” ndaj çdo përpjekjeje të “forcave armiqësore” për të cenuar sovranitetin e saj ose interesat e sigurisë.
Fluturimet B-1B kishin qenë një shfaqje e njohur e forcës gjatë periudhave të kaluara të tensioneve me Korenë e Veriut.
SHBA ka mbajtur katër nga bombarduesit në Guam që nga fundi i tetorit, sipas agjencisë së lajmeve të Koresë së Jugut Yonhap.
Ndërkohë, shkruan Al jazeera, Koreja e Jugut ka kërkuar nga Shtetet e Bashkuara të shtojnë vendosjen e “aseteve strategjike”, të cilat përfshijnë aeroplanmbajtëse, nëndetëse bërthamore dhe bombardues me rreze të gjatë si B-1B.
Aleatët kanë rifilluar stërvitjen në shkallë të gjerë këtë vit, pasi Koreja e Veriut e përshpejtoi testimin e armëve me një ritëm rekord.
Stërvitja fillimisht ishte planifikuar të përfundonte të premten, por aleatët vendosën të zgjasin stërvitjen deri të shtunën në përgjigje të një serie lëshimesh balistike të Koresë së Veriut të enjten, duke përfshirë një ICBM që shkaktoi alarme evakuimi dhe ndaloi trenat në Japoninë veriore.
Veprimet e së enjtes erdhën pasi Veriu lëshoi më shumë se 20 raketa të mërkurën, më së shumti që kishte lëshuar brenda një dite të vetme.
Këto lëshime erdhën pasi zyrtari i lartë ushtarak i Koresë së Veriut, Pak Jong Chon, lëshoi një kërcënim të fshehur për një konflikt bërthamor me Shtetet e Bashkuara dhe Korenë e Jugut mbi stërvitjet e tyre të përbashkëta, të cilat Veriu thotë se janë prova për një pushtim të mundshëm.
Veç këtyre, Koreja e Jugut gjithashtu të premten ka “angazhuar” rreth 80 aeroplanë ushtarakë pasi gjurmoi rreth 180 fluturime nga aeroplanët luftarakë të Koresë së Veriut brenda territorit të Koresë së Veriut.
Shefi i Shtabit të Përbashkët të Jugut tha se avionët luftarakë të Koresë së Veriut u zbuluan në zona të ndryshme në brendësi dhe përgjatë brigjeve lindore dhe perëndimore të vendit, por nuk iu afruan veçanërisht kufirit. /Telegrafi/
Promo
Reklamo këtuLufta Prigozhin - Putin
Më shumëReagon presidenti iranian, Zelenskyt hatërmbetje me aleatët – detaje dhe pamje, minutë pas minute, rreth ‘hakmarrjes’ së Izraelit ndaj Iranit
Izraeli e njoftoi në minutën e fundit SHBA-në për sulmin ndaj Iranit
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
"Iranianët janë shumë të frikësuar"
Zelensky: Izraeli nuk u la i vetëm me Iranin si ne me Rusinë
Ai e shëtiste me veturën e shtrenjtë një të pastrehë meksikan - nuk e kishte ëndërruar që videot e tij do të ishin shkaktar i një bashkimi familjar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi