Pas 27 vjetëve, SHBA-ja i heq sanksionet Sudanit

Administrata e presidentit amerikan në largim, Donald Trump sot zyrtarisht hoqi Sudanin nga lista e vendeve që mbështesin terrorizmin.

Kjo u njoftua nga ambasada amerikane në Khartoum. Vendimi, tha ai, mund të ndihmojë Sudanin të marrë kredi ndërkombëtare për të ringjallur ekonominë, transmeton Telegrafi.

Shtetet e Bashkuara e shpallën Sudanin një shtet që sponsorizon terrorizmin në vitin 1993, pasi vendi priti për pak kohë udhëheqësin e al-Kaidas, Osama bin Laden dhe ekstremistët e tjerë të kërkuar.

Today I congratulate Prime Minister Hamdok and Sudan’s civilian-led transitional government on Sudan’s removal from the State Sponsor of Terrorism list. I look forward to a new era of close cooperation between the United States and Sudan to bring democracy, peace & prosperity.

— Daniel Rubinstein (@USAMBSudan) December 14, 2020

Sudani besohet se i ka shërbyer Iranit për të furnizuar me armë ekstremistët palestinezë në Rripin e Gazës.

Heqja e Sudanit nga lista e zezë e SHBA-së është një nxitje kryesore për qeverinë Khartoumit të normalizoj marrëdhëniet me Izraelin.

Me marrëveshjen për krijimin e marrëdhënieve të plota diplomatike, Sudani u bë vendi i tretë arab, pas Emirateve të Bashkuara Arabe dhe Bahreinit, i cili vendosi të normalizojë marrëdhëniet me Izraelin. /Telegrafi/

Today is a historic day in the U.S.-Sudanese bilateral relationship, as Sudan’s designation as a State Sponsor of Terrorism is officially rescinded. I congratulate @SudanPMHamdok and the Sudanese people and look forward to building a stronger U.S.-Sudanese partnership.

— Secretary Pompeo (@SecPompeo) December 14, 2020