LAJMI I FUNDIT:

Shala: Radomiroviq ishte pjesë e ushtrisë serbe, Kurti s’është dashur ta emërojë zëvendësministër

Shala: Radomiroviq ishte pjesë e ushtrisë serbe, Kurti s’është dashur ta emërojë zëvendësministër

Ish-deputeti Haxhi Shala, ka thënë se kryeministri Albin Kurti nuk është dashur ta emëroj zëvendësministër një ish-ushtar të Serbisë.

“Kryeministri i Republikës së Kosovës, Albin Kurti, nuk do të duhej ta emëronte zëvëndësministrin për Komunitete dhe Kthim, Radojica Radomiroviq, pas pjesëmarrjes së tij në luftën e fundit në Kosovë”, ka vlerësuar Haxhi Shala nga radhët e AAK-së.

Në “FIVE” të RTV Dukagjini, ai ka deklaruar se Radomiroviq do të duhet të shkarkohet menjëherë dhe se Kurti ishte nxituar me një veprim të tillë.


“Nuk është argument i mjaftueshëm sepse vetë Milloshi s’ka marrë pjesë, por ka urdhëruar…në momentin që doli ajo, kryeminsitri do të duhej ta shkarkonte. Kryeministri nuk do të duhej ta emëronte fare, se çka bën tani ka pak rëndësi. Kjo tregon se ai nuk është i gatshëm, tregon se vetëm ku ta gjejë një serb ta emërojë diku në institucione”, ka deklaruar ai.

Tutje, Shala ka vlerësuar se një emërim i tillë nuk do të ishte në dobi të FSK-së, as të vendit apo në raportet ndërkombëtare.

“Kryeminsitri është ngutur me këtë vendim. Mirë do të ishte të shfrytëzohet mekanimizmi i Vetting-ut në këtë rast…Kryeministri do të duhej ta shkarkonte, sepse jam i bindur që nuk i jep nder as FSK-së, as vendit e as raporteve ndërkombëtare, as ndërkombëtarët nuk i duan këta njerëz brenda institucioneve”, ka deklaruar ai.

Ndryshe, në media është raportuar se Radomiroviq kishte qenë pjesë e ushtrisë serbe gjatë luftës së fundit në Kosovë.

Qeveria i ka mohuar pretendimet e tilla duke deklaruar se Radomiroviq kishte qenë pjesë e stafit civil.

Shala ka komentuar edhe për emërimin e ministrit të Mbrojtjes, Ejup Macedoncit.

“E njoh personalisht, është mirë i përgatitur teknikisht për operacione”, ka deklaruar ai, gjersa ka theksuar se mbetet për t’u parë puna e tij në të ardhmen. “S’dëshiroj të dështoj ai.”

Maqedonci është emëruar ministër i Mbrojtjes, pasi nga kjo pozitë ka dhënë dorëheqje Armend Mehaj.

Për Dukagjinin, nga Qeveria kanë deklaruar se arsyeja e dorëheqjes së Mehaj lidhet me gjendjen shëndetësore të gruas së tij, e cila është diagnostifikuar me një sëmundje të rrallë.

Në trend Lajme

Më shumë
BE-ja ende nuk ka marrë vendim për heqjen e masave ndaj Kosovës, Stano thotë se diskutimet po vazhdojnë në Këshill

BE-ja ende nuk ka marrë vendim për heqjen e masave ndaj Kosovës, Stano thotë se diskutimet po vazhdojnë në Këshill

Jehona Hulaj
Ardhja e bashkatdhetarëve, kjo është gjendja në pikat kufitare

Ardhja e bashkatdhetarëve, kjo është gjendja në pikat kufitare

Lajme
Çanak: Serbia njeh elemente të shtetësisë së Kosovës, por s’e pranon kurrë që e ka njohur

Çanak: Serbia njeh elemente të shtetësisë së Kosovës, por s’e pranon kurrë që e ka njohur

Lajme
Çmimet e larta në vend nxisin rezervimet rekord të shqiptarëve në Greqi dhe Turqi

Çmimet e larta në vend nxisin rezervimet rekord të shqiptarëve në Greqi dhe Turqi

Lajme
Kufizimi i orarit të punës për shkak të temperaturave të larta, IKSHPK publikon listen e atyre që duhet punuar vetëm 4 orë

Kufizimi i orarit të punës për shkak të temperaturave të larta, IKSHPK publikon listen e atyre që duhet punuar vetëm 4 orë

Lajme
Një polic dyshohet se ka plagosur akisdentalisht një të mitur në Istog

Një polic dyshohet se ka plagosur akisdentalisht një të mitur në Istog

Kronika e Zezë
Kalo në kategori