Sërish vëmendja te Andre Onana në stërvitjen e Interit: Nuk ka përleshje sot?

Lojtarët e Interit dukeshin në një humor të shkëlqyeshëm në prag të ndeshjes së parë gjysmëfinale të Ligës së Kampionëve kundër Milanit dhe njëri prej tyre bëri shaka për një përplasje që përfshinte Andre Onanan dhe Marcelo Brozovicin të disa javëve më parë.

Nerazzurrët po përgatiten për një takim historik me rivalët e tyre të qytetit në gjysmëfinale të Ligës së Kampionëve.

Lojtarët dukeshin në humor të relaksuar gjatë një seance stërvitore të martën, e cila ishte e hapur për mediat për 15 minutat e para.

Lexo po ashtu Situatë tensionuese te Interi: Përplasen Onana dhe Brozovic

Siç shihet në një video të publikuar nga FcInterneës, disa prej tyre bëjnë shaka me Onanën dhe Brozovicin, të cilët ishin përplasur para gazetarëve gjatë një seance stërvitore disa javë më parë, një ditë para ndeshjes së dytë çerekfinale të Ligës së Kampionëve kundër Benficas.

Portieri realizoi një ndërhyrje gjatë stërvitjes të së martës në La Pinetina duke shkaktuar një reagim nga shokët e tij të skuadrës, njëri prej tyre bërtiti me shaka: “Je gjithmonë ti, është gjithmonë Brozovic, nuk ka përleshje sot?”. /Telegrafi/

📹 Torello, grandi giocate e sorrisi ad Appiano ⚫️🔵 pic.twitter.com/MgGOiby8mW

— FcInterNews.it (@FcInterNewsit) May 9, 2023