Sensacioni norvegjez eklipson Messin dhe Ronaldon, Erling Braut Haaland ka shënuar tashmë 20 gola këtë sezon dhe është vetëm tetori

Erling Braut Haaland thjesht nuk mund të ndalet së shënuari për momentin dhe ka bërë një arritje të madhe edhe pse është vetëm fillimi i sezonit.

19-vjeçari shënoi dy gola në humbjen 3-2 të Ligës së Kampionëve të Red Bull Salzburgut ndaj Napolit.

Me këto dy gola, sulmuesi norvegjez kap shifrën e 20-të golave këtë sezon.

Lexo po ashtu Mbajeni mend këtë emër, Erling Braut Haland – talenti që shënoi nëntë gola në një ndeshje të Kampionatit Botëror U21

Nuk është as nëntor akoma dhe Haaland ka një rekord shënimesh të golave që po i komplekson yjet e mëdha, Lionel Messi dhe Cristiano Ronaldo.

Make that 20 goals in 13 games

Erling Braut Håland has 6 goals in his first 3 UCL appearance scoring against Liverpool (away) & Napoli

19 years of age!! https://t.co/cMOx1d4AOp

— Yash (@Odriozolite) October 23, 2019

Haaland aktualisht është golashënuesi më i mirë i Ligës së Kampionëve këtë sezon në sezonin e tij debutues pasi ka shënuar gjashtë gola në tre ndeshjet e para të grupit – mesatarisht një gol çdo 36 minuta.

Ai shënoi het-trik në debutimin e tij evropian kundër Genkut, shënoi kundër Liverpoolit në një lojë emocionuese në Anfield dhe vazhdoi me dy gola ndaj Napolit.

Lexo po ashtu Njeriu që e diktoi ditën e parë të Ligës së Kampionëve, 19-vjeçari shënon het-trik në debutimin e tij dhe barazon rekordin e Rooneyt

Në 13 ndeshje këtë sezon, ai nuk arriti të shënojë vetëm në dy – duke kontribuar më tej me pesë asistime për Salzburgun.

Ndryshe, Haland u bashkua në Salzburgun për vetëm 4,5 milionë funte në vitin 2018 dhe ekipi austriak është në linjë për të fituar një fitim të konsiderueshëm nëse ata vendosin ta shesin atë në të ardhmen e afërt. /Telegrafi/