Së shpejti bashkëpunimi nga treshja DJ Dagz, DJ PM dhe Morena Taraku (Foto)

Përveç shoqërisë në jetën e përditshme, ata ndajnë shoqërinë e tyre edhe me muzikën.

Dy Dj-të e njohur PM dhe Dagz, janë në përgatitje të disa befasive për adhuruesit e muzikës së tyre.

Dyshja pas sukseseve që patën këtë verë në bashkëpunim me Uki Latifin dhe Yll Limanin, pritet që shumë shpejt të sjellin projektin e tyre të radhës.

Lexo po ashtu Të gjitha lajmet nga Estrada Shqiptare

Ky projekt ishte paralajmëruar për në muajin shtator nga vetë DJ PM i cili kishte treguar për Telegrafin, se kënga do të jetë bashkëpunim me një emër të njohur të estradës e që është femër.

E Telegrafi ka mësuar se emri i këngëtares që do të jetë pjesë e projektit të ri të të dy DJ-ve, është Morena Taraku.

Kujtojmë se Morena dhe DJ Dagz e DJ PM kanë një miqësi të mirë, dhe siç duket kanë vendosur që këtë miqësi ta paraqesin edhe më mirë përmes muzikës.

Ndërkohë duhet përmendur se pas këtij projekti, Dagz dhe PM kanë paralajmëruar edhe një tjetër bashkëpunim.

Mbetet të presim dhe të shohim se çfarë do të na sjellin dy DJ-të e njohur dhe shumë të dashur për publikun. /Telegrafi/

https://www.instagram.com/p/BamIGtyAxil