Kancelari Federal i Gjermanisë, Olaf Scholz deklaroi sot se, nesër do të nënshkruhet në Tiranë një marrëveshje për njohjen reciproke të lejeve të drejtimit.
Në konferencën e përbashkët për shtyp në Berlin me Kryeministrin Edi Rama, Scholz tha se, “marrëdhëniet tona bilaterale me Shqipërinë janë të shkëlqyera. Që prej 35 vjetësh qeveria Federale bashkëpunon ngushtë me Shqipërinë për marrëdhënie të ngushta ekonomike dhe për një zhvillim të qëndrueshëm ekonomik, për politikën e klimës dhe të ambientit”.
“Unë gëzohem që në marrëdhëniet bilaterale kemi përpara nesh një përmirësim shumë të ndjeshëm për qytetarët tanë. Nesër do të nënshkruhet në Tiranë një marrëveshje për njohjen reciproke të lejeve të drejtimit, të patentave. Kjo ka rëndësi shumë të madhe dhe sa i përket perspektivave të profesioneve të shqiptarëve”, theksoi Scholz.
Kancelari gjerman nënvizoi se, “Shqipëria ka bërë hapa të mëdha përpara në demokraci, në sundimin e ligjit, në të drejtat e njeriut. Ka krijuar struktura edhe për të vepruar në mënyrë të vendosur kundër korrupsionit dhe krimit të organizuar”.
“Sundimi i ligjit funksionues është një bërthamë për funksionimin e BE, prandaj dëshiroj t’ju inkurajoj që këto hapa të rëndësishme reformatore t’i zbatoni në mënyrë konsekuente dhe në mënyrë rrënjësore”, tha Scholz.
“Të gjithë vendet e Ballkanit Perëndimor përfitojnë nga bashkëpunimi më i mirë rajonal. Ai përforcon ekonominë, përmirëson marrëdhëniet e mira fqinjësore dhe përshpejton afrimin me BE-në”, theksoi Scholz.
“Procesi i Berlinit që prej vitit 2014 ka treguar se çfarë potenciali ndodhet në bashkëpunimin gjithëpërfshirës të 6 vendeve të Ballkanit Perëndimor. Unë dëshiroj prandaj ta rigjallëroj Procesin e Berlinit. Të rëndësishëm tani janë përparime në ngritjen e një tregu të përbashkët rajonal. Krijimi dhe garantimi i 4 lirive bazë, qarkullimi i lirë i personave, mallrave, shërbimeve dhe kapitaleve, ka rëndësi për të gjithë rajonin”, u shpreh Scholz.
“Unë angazhohem personalisht me qeverinë time, Republika Federale e Gjermanisë do të mbetet një partner i ngushtë dhe i besueshëm i Shqipërisë në rrugën për në BE”, tha Scholz./ATSH
Promo
Reklamo këtuLufta Prigozhin - Putin
Më shumëGazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Policia serbe e dërgon në paraburgim mërgimtarin nga Gjakova që e arrestoi në kufi
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Maltretimi i kosovarëve në Serbi, eurodeputetja holandeze i reagon Vuçiqit
U arrestua nga Serbia, lirohet zëvendësdrejtori i Policisë së Kosovës
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi