Sarah Jessica Parker zbulon se “Met Gala” e vitit 2006 ‘nuk ishte një natë argëtuese’ për shkak të nervave të saj

Ndërsa i hidhte një vështrim pamjeve të saj më të paharrueshme në Met Gala të të gjitha kohërave, Sarah Jessica Parker tregoi kujtimet e saj më të mira dhe më të këqija të ngjarjes.

Në një video të re të postuar në kanalin YouTube të Vogue të hënën, ylli 57-vjeçar i “Sex and the City” zbuloi se “Met Gala” e saj e dytë ‘nuk ishte një natë argëtuese’ për shkak të nervave të saj që merrte pjesë me stilistin e ndjerë Alexander McQueen.

Teksa shikonte një imazh të vetes e veshur një fustan të kuq të gërshetuar në vitin 2006, nëna e tre fëmijëve zbuloi pse hezitonte t’i kërkonte McQueen-it të merrte pjesë me të.

“Më erdhën në mendje një mori gjërash. Ai do të thoshte jo, tashmë është pyetur, është thirrur, është i detyruar. Dhe vërtet nuk e njihja aq mirë”, tha Parker për median.

Pavarësisht se ai pranoi me kënaqësi ta shoqëronte, ajo tha se duke parë foton, u godit nga ‘sa e kujdesshme’ dhe ‘të matura’ ishin lëvizjet e saj.

“Sa më i turpshëm të ishte, aq më e turpshme bëhesha”, ka rrëfyer katër herë fituesja e Golden Globe.

Për natën, Parker përfundoi: ‘Nuk ishte një natë argëtuese. Ishte, por jo sepse isha kaq nervoze. Unë thjesht doja që ai të ishte mirë”.

Megjithatë ajo tha se ‘ishte e dashuruar’ me stilistin, i cili u nda nga jeta në vitin 2010. /Telegrafi/