Santos nuk e pranon rekordin e Messit si golashënuesi më i mirë për një klub – klubi brazilian thotë se ende është Pele

Santos ka bërë të ditur se ata nuk e pranojnë rekordin e Lionel Messit si golashënuesi më i mirë në histori të futbollit për një klub.

Pele e mbante këtë rekord me 643 gola, mirëpo ylli argjentinas e theu atë në këtë javë me golin ndaj Real Sociedadit, duke shënuar një më shumë.

Por, klubi brazilian insiston se Pele ka shënuar 1.091 gola për ta dhe jo siç raportohet 643 gjatë karrierës.

Lexo po ashtu Messi flet pas thyerjes së rekordit të Peles: Kurrë nuk e ka menduar se do të thyej ndonjë rekord

Klubi thotë se Pele shënoi edhe 448 gola shtesë të shënuar në ndeshje dhe gara miqësore të cilat më pas u konsideruan të ishin në një nivel më të ulët, sikur të kishin vlerë më të vogël se të tjerët.

Santos pretendon se golat e Pele ndaj River Plate, Boca Juniors, Racing, Universidad de Chile, Real Madrid, Juventus, Lazio, Napoli, Benfica dhe Anderlecht nuk janë përfshirë në llogarinë zyrtare, as tetë gola kundër Interit ose katër gola kundër Blaugranasëve.

Argumenti i klubit brazilian është se ndeshjet ishin zyrtare pasi ato u luajtën me ekipe zyrtare dhe rregullat e lojës, kështu që duhet të llogariten për atë numër sesa vetëm 643. /Telegrafi/