Samsung mund ta ketë tejkaluar Apple në trendin e telefonave të hollë dhe të lehtë me Galaxy S25 Edge, por duket se nuk do të ketë një pasardhës së shpejti.
Sipas raporteve të shumta, Galaxy S26 Edge është anuluar për shkak të vëllimeve të ulëta të shitjeve të S25 Edge, transmeton Telegrafi.
NewsPim i Koresë së Jugut raporton se Samsung me sa duket është gati ta ndërpresë plotësisht serinë Edge, sapo të pastrojë të gjitha stoqet e S25 Edge.
Një zyrtar i paidentifikuar i Samsung u citua: “Nuk jam i sigurt nëse linja e hollë (domethënë linja Edge) do të kthehet ndonjëherë, por për momentin, duket e pamundur. Praktikisht është zhdukur”.
Pavarësisht pasigurisë së vazhdueshme, raporti nga Koreja sugjeron që Samsung tashmë ka përfunduar zhvillimin e Galaxy S26 Edge dhe ka të ngjarë të lançojë pajisjen diku në të ardhmen, por jo nën linjën Edge.
Ky lajm nuk është aq i habitshëm pasi kemi parë tashmë raporte nga fillimi i këtij viti që konfirmojnë shitjet e dobëta të S25 Edge.
Sipas të dhënave nga Hana Investment & Securities, dërgesat e S25 Edge arritën në 1.31 milion njësi deri në gusht. Këto shifra janë të zbehta në krahasim me Galaxy S25 (8.28 milion), S25+ (5.05 milion) dhe S25 Ultra (12.18 milion).
Samsung tani pritet të lançojë tre pajisje Galaxy S26 me Galaxy S26 Pro, S26 Plus dhe S26 Ultra në janar. /Telegrafi/
