Samanta iu “hakmerret” Ronelës dhe Young Zerkës: I përmend në “Shiko kush luan” si emrat që kurrë s’do bashkëpunonte me ta

Këngëtarja e njohur shqiptare, Samanta Karavella, ka qenë e ftuar këtë javë në emisionin shumë të ndjekur, “Shiko kush luan”.

Ajo ngeli e fyer javën e kaluar, ku po në të njëjtin emision kolegu i saj Young Zerka, në një nga lojërat e këtij emisioni, qëlloi mbi portretin e saj nën arsyen se sipas tij ishte personazhi që nuk meriton famën që ka.

Dashur pa dashur në këtë pjesë u përfshi edhe Ronela Hajati, e cila ka tash e sa kohë që përflitet se është në lidhje me Young Zerkën, ndonëse ata nuk janë deklaruar asnjëherë rreth kësaj çështje.

“Eh pra, ‘pas një buri’ (pa rr) fshihet një grua e suksesshme si e jotja”, kishte shkruar Samanta, duke iu referuar kështu edhe Ronelës, të cilën dikur e kishte pasur mike shumë të mirë por tani nuk flasin më.

Lexo po ashtu Stresi mendon se Noizy bën shumë zhurmë për asgjë

Si për t’ia kthyer atë që tha javën e kaluar, Samanta në një nga lojërat e kësaj jave në “Shiko kush luan”, ku ishte e detyruar ose të tregonte një të vërtetë ose t’i fuste këmbët në pislliqe – kështu ajo zgjodhi të përgjigjet në një prej pyetjeve më interesante.

Në pyetjen se cilët janë dy artistët që kurrë s’do bashkëpunonte me ta, Karavella tha se e para do ishte Ronela, dhe i dyti Young Zerka, duke thënë se sipas saj ishte qëlluar pa të drejtë nga ai javën e kaluar.

Ndërkohë, në dy emrat që do bashkëpunonte me shumë dëshirë, Samanta ka përmendur Aurela Gaçen dhe Ardit Gjebrenë. /Telegrafi/