Sam Altman reagon ndaj akuzave për shfrytëzimin e ujit të pijshëm nga teknologjitë e AI

Në një zhvillim të fundit që trajton debatin mbi ndikimin mjedisor të teknologjive të Inteligjencës Artificiale, Sam Altman i OpenAI ka reaguar ndaj kritikave nga komuniteti anti-AI.

Në një postim në platformën X, Altman ka përdorur një analogji të thjeshtë për të ilustruar kontradiktën në argumentet e këtyre kritikëve.

Ky reagim vjen në një kohë kur diskutimet rreth përgjegjësisë mjedisore të AI janë intensifikuar, veçanërisht pas lansimit të versionit të përmirësuar të ChatGPT-4o, përcjell Telegrafi.

Lexo po ashtu A po e harxhon Inteligjenca Artificiale ujin tonë të pijshëm – dhe sa po ndikon në ndryshimet klimatike?

“Mua më pëlqen kur grupi anti-AI shpik gjëra rreth përdorimit tonë të ujit ndërkohë që hanë një hamburger”, deklaroi Sam Altman në postimin e tij në X, duke iu referuar një postimi paraprak i cili argumentonte se përdorimi i ChatGPT-it nga kompania e tij nuk paraqet një kërcënim të madh për mjedisin apo burimet natyrore.

i particularly love when the anti-AI crowd makes up shit about our water usage while eating a hamburger https://t.co/nXmJR1vuca

— Sam Altman (@sama) February 15, 2025

Ndryshe, komentet e Sam Altman theksojnë një perspektivë të balancuar në debatin për ndikimin mjedisor të Al, duke sugjeruar që kritikat duhet të konsiderojnë gjithashtu ndikimet e aktiviteteve të përditshme me konsum të lartë të burimeve.

Ky rast nxjerr në pah rëndësinë e një analize të plotë dhe të drejtë kur bëhet fjalë për përgjegjësinë mjedisore, duke mos u fokusuar vetëm tek teknologjitë e reja, por edhe tek praktikat tradicionale që kanë një ndikim të konsiderueshëm në mjedis. /Telegrafi/