Salah: Më thanë se nuk jam mjaft i mirë për Ligën Premier, por u ktheva për t’ia vërtetuar se gabuan me mua

Sulmuesi i Liverpoolit, Mohamed Salah ka zbuluar se ai u kthye në Ligën Premier për t’ia vërtetuar Chelseat se kishte gabuar kur e la të largohej.

Ylli egjiptian ka qenë një zbulim i madh për Liverpoolin këtë sezon, duke shënuar 43 gola në 48 paraqitje në gjitha garat këtë sezon.

Salah u bashkua me Reds nga Roma në verë për një shifër mbi 45 milionë euro, por kjo shifër po del të jetë e ulët për nivelin e treguar nga egjiptiani.

Lexo po ashtu Mourinho: Unë e zbulova dhe e bleva Salahun, Chelsea e shiti atë   

Sulmuesi anësor ka pranuar se ai donte të rivendoste reputacionin e tij në Angli me transferimin te Reds, pasi u duk tepër në kërkesat e Jose Mourinhos dhe Chelseat në vitin 2015.

“Të jem i sinqertë, gjithmonë e kisha në mendje kur u largova nga Chelsea”, ka thënë fillimisht Salah për mediat britanike.

“Thashë shumë herë, gjithmonë ishte në mendjen time të kthehesha sepse shumë njerëz thanë se ai nuk mund të arrijë këtu [në Angli] dhe ai nuk është mjaft i mirë për Ligën Premier”.

Lexo po ashtu Conte: Nuk jam fajtor për largimin e Salahut, përgjegjësinë kërkojeni diku tjetër

“Pra, ishte gjithmonë në mendje që të kthehesha”.

“Kam pasur dy sezone të shkëlqyera në Romë dhe gjithkush po më thoshte ‘jo, mos u kthe”, por gjithnjë në mendjen time duhej të kthehesha për t’ia vërtetuar atyre se ishin gabim me largimin tim”, përfundoi egjiptiani. /Telegrafi/