Salah dëshiron të largohet nga Liverpooli dhe të zëvendësojë Ronaldon si lojtari më i paguar në botë

Mohamed Salah thuhet se dëshiron të largohet nga Liverpooli mes interesimit nga skuadra e Superligës së Arabisë Saudite, Al-Ittihad.

Salah ka qenë i lidhur me një lëvizje në Arabinë Saudite gjatë gjithë verës, me vendin saudit që ka siguruar marrëveshje me shumë yje të futbollit evropian gjatë gjithë verës.

Fituesi i Topit të Artë, Karim Benzema, sensacioni brazilian Neymar Jr dhe ish-ylli i Liverpoolit, Sadio Mane, janë transferuar të gjithë në Arabinë Saudite këtë verë, disa muaj pasi Cristiano Ronaldo bëri një transferim te Al Nassr në janar.

Lexo po ashtu Al-Ittihad me ofertë të pa rezistueshme për Salah dhe Liverpoolin

Sulmuesi i Liverpoolit, Salah mund të jetë lojtari tjetër në mesin e elitës evropiane që do të kalojë në ligën në zhvillim.

Sipas mediumit spanjoll Relevo, ylli i Liverpoolit dëshiron të largohet nga klubi anglez pasi i është ofruar rroga më fitimprurëse në të gjithë Superligën e Arabisë Saudite.

Përfaqësuesit e Al-Ittihad dyshohet se janë takuar me përfaqësuesit e Salah dhe do t’i ofrojnë egjiptianit paga më të lartë se të Cristiano Ronaldos.

😱 Salah, el siguiente pelotazo de Al-Ittihad.

💸 El club saudí le ofrecerá ser el mejor pagado de la liga, por encima de CR7.

🗓️ El Mundial de Clubes 2023, que se jugará en su país, es su objetivo prioritario.

✍️ @sergiofernan5ezhttps://t.co/DYJYuyyezN

— Relevo (@relevo) August 24, 2023

Klubi thuhet se është i bindur se Salah do të joshet nga perspektiva për të luajtur në një vend mysliman së bashku me pagën e tij tërheqëse.

Raporti vjen një ditë pasi gazetari Rudy Galetti pretendoi se Al Ittihad kishte dorëzuar një ofertë për Liverpoolin, e cila, nëse pranohej, do të thyente rekordin e transferimit të Superligës Saudite i cili mbahet nga Neymar Jr. /Telegrafi/