Rusia thotë se do të “zvogëlojë në mënyrë drastike” aktivitetin ushtarak në Kiev dhe Chernihiv

Moska thotë se do të “zvogëlojë në mënyrë drastike aktivitetin ushtarak” në dy fronte – Kiev dhe Chernihiv – sipas kanalit Telegram të Ministrisë ruse të Mbrojtjes.

Zëvendësministri rus i Mbrojtjes, Aleksandër Fomin, konfirmoi “një reduktim rrënjësisht, ndonjëherë, të aktivitetit ushtarak”, sipas medias shtetërore RIA, shkruan CNN, përcjell Telegrafi.

Masa vjen pas bisedimeve midis delegacioneve ruse dhe ukrainase të martën në Stamboll.

Lexo po ashtu Këshilltari presidencial ukrainas tregon disa nga çështjet që u diskutuan me rusët – pas përfundimit të bisedimeve për sot në Stamboll

“Për shkak të faktit se negociatat për përgatitjen e një marrëveshjeje mbi neutralitetin dhe statusin jo-bërthamor të Ukrainës, si dhe për sigurimin e garancive të sigurisë për Ukrainën, po kalojnë në praktikë, duke marrë parasysh parimet e diskutuara gjatë takimit të sotëm, Ministria e Mbrojtjes e Federatës Ruse për të rritur besimin e ndërsjellë dhe për të krijuar kushtet e nevojshme për negociata të mëtejshme dhe për arritjen e qëllimit përfundimtar për të rënë dakord për nënshkrimin e marrëveshjes së mësipërme, u mor një vendim për të reduktuar rrënjësisht, herë pas here, të aktivitetit ushtarak në drejtimin e Kievit dhe Çernigovit”, u tha Fomin gazetarëve.

Shtabi i Përgjithshëm i Forcave të Armatosura të Ukrainës më herët pretendoi se “disa njësi” të ushtrisë ruse po tërhiqen nga frontet e betejës në kryeqytetin, Kiev, dhe nga qyteti verior i Chernihiv.

Lexo po ashtu Nga producenti i filmave, e deri te “profecia” në të cilën ukrainasit besojnë - kush janë anëtarët e ekipit të Zelenskyt?

Megjithatë, ai paralajmëroi për një “rrezik të lartë” të trupave ruse që sulmojnë infrastrukturën ushtarake dhe civile.

Ushtria ruse, pretendohej më tej, po përpiqet të përforcojë dhe të “bëjë rotacion” me ushtarë të rinj, për shkak të “refuzimit të personelit për të marrë pjesë në të ashtuquajturin operacion special”.

Në javën e pestë të agresionit rus, rezistenca “heroike” ukrainase “po kryen një operacion mbrojtës në drejtimet lindore, juglindore dhe verilindore dhe po frenon armikun në të gjitha drejtimet, ndërsa në disa drejtime po e zhvendos armikun”. /Telegrafi/