Rusia po përpiqet “të nxjerrë dhe riparojë” mijëra automjete luftarake që janë dëmtuar në Ukrainë – thotë inteligjenca britanike

Rusia po përpiqet “të nxjerrë dhe riparojë” mijëra automjete luftarake që janë dëmtuar në Ukrainë.

Kështu thuhet në përditësimin e fundit të Ministrisë së Mbrojtjes të Mbretërisë së Bashkuar, përcjell Telegrafi.

Duke shkruar në Twitter, Ministria e Mbrojtjes tha se Rusia po përballet me “një dileme”: “Nëse duhet të sigurojë ofensivën në lindje, apo të forcojë mbrojtjen në perëndim”.

Ajo shtoi: “Më 18 korrik 2022, inteligjenca identifikoi një strukturë rinovimi të automjeteve ushtarake ruse pranë Barvinok, në rajonin Belgorod të Rusisë, 10 km nga kufiri ukrainas”.

“Të paktën 300 automjete të dëmtuara ishin të pranishme, duke përfshirë tanke kryesore luftarake, transportues të blinduar të personelit dhe kamionë mbështetës të përgjithshëm”.

Lexo po ashtu Një "pikë kthese" në betejë - Ukraina pretendon se do të rimarrë rajonin e Khersonit deri në shtator

“Përveç problemeve të personelit të saj të dokumentuara mirë, Rusia ka të ngjarë të vazhdojë të luftojë për të nxjerrë dhe riparuar mijëra automjete luftarake që janë dëmtuar gjatë aksionit në Ukrainë”.

Latest Defence Intelligence update on the situation in Ukraine – 25 July 2022

Find out more about the UK government's response: https://t.co/0J6jYm2jFf

🇺🇦 #StandWithUkraine 🇺🇦 pic.twitter.com/zf26RycMYw

— Ministry of Defence 🇬🇧 (@DefenceHQ) July 25, 2022

Këto lajme vijnë në kohën kur zyrtarët ushtarakë ukrainas kanë pretenduar një “pikë kthese” në betejën për të rimarrë rajonin jugor të Khersonit.

Ata kanë thënë se do të përdorin armët perëndimore për të çliruar deri në shtator qytetin e parë të madh të pushtuar nga forcat ruse.

Presidenti Volodymyr Zelenskiy miratoi pretendimet për një kundërofensivë të suksesshme gjatë fjalimit të tij kombëtar të shtunën, duke thënë se forcat ukrainase po lëviznin “hap pas hapi” në qytet.

Lexo po ashtu Rusia e pushtoi duke u përballur me relativisht pak rezistencë por tani forcat e Ukrainës po avancojnë “hap pas hapi” drejt Khersonit

Khersoni u pushtua nga ushtria ruse më 3 mars, qyteti i parë i madh ukrainas i pushtuar nga forcat ruse që nga 24 shkurt.

Zyrtarët ukrainas besojnë se trupat ruse ishin në gjendje të merrnin qytetin pjesërisht sepse agjentët e shërbimit të sigurisë ukrainase nuk arritën të hidhnin në erë urën Antonivskyi që kalon lumin Dnipro, duke lejuar trupat të hynin në qytet.

Megjithatë, një rritje e sulmeve në ditët e fundit kundër depove kryesore të armëve ruse dhe logjistikës përreth qytetit jugor e ka shtyrë ushtrinë e Ukrainës të pretendojë se forcat e saj kanë lëvizur brenda rrezes së objektivave ruse. /Telegrafi/