Vështrim i kolegjiumit të ditores “The Guardian”
Përktheu: Telegrafi.com
Derisa lufta në Ukrainë dhe pasojat e saj po e dobësojnë ushtrinë konvencionale të Rusisë, qeveria e Vladimir Putinit iu qas kërcënimeve bërthamore, me qëllim të projektimit të forcës. Z. Putin dëshiron t’i frikësojë kundërshtarët e vet. Por, strategjia e tij po dështon. Në vend që aleatët e Ukrainës të tërhiqen, ata po e shtojnë mbështetjen e tyre. Kongresi amerikan këtë javë i miratoi 11 miliardë dollarë të ndihmës me armë për Ukrainën, tri herë më shumë se ndihma totale ushtarake që Uashingtoni ka dhënë deri tash.
Presidenti i ShBA-së, Joe Biden, kishte të drejtë që e kritikoi Putinin për “komente të kota” për armët bërthamore. Duket e paimagjinueshme që gabimet dhe llogaritjet e gabuara do ta çojnë botën buzë humnerës bërthamore. Megjithatë, bota po shkon drejt kësaj. Teksa kriza kubane e raketave zgjati 13 ditë, lufta e Rusisë tashmë është në muajin e tretë. Pa një fund të qartë në horizont, betejat vdekjeprurëse duken të pashmangshme – duke i shtuar edhe shanset për gabime.
Z. Putin mund ta përdor retorikën bërthamore për të treguar se është i paqëndrueshëm. Lufta e tij është e paligjshme dhe e pamoralshme. Arsyetimi i tij për fillimin e pushtimit ishte makabër dhe qesharak. Megjithatë, ky mund të jetë vetëm njëri akt. Presidenti rus mund të përpiqet ta mbështesë diplomacinë shtrënguese me “teorinë e të çmendurit”, të kërcënimit me forcën e tepruar që përfshin spektrin e armëve bërthamore. Sado e papëlqyeshme të duket kjo, racionali z. Putin, me 2000 koka taktike bërthamore më shumë përshtatet me një irracional.
Përqendrimi i një fuqie të tillë në duart e një njeriu, do të duhej ta detyronte botën të tërhiqet. Rusia ka pak mekanizma për ta parandaluar z. Putin, përkitazi me përdorim e armëve bërthamore nëse ai mendon se nuk ka asgjë për të humbur. Në Guardian gjatë muajit e kaluar, Christopher S Chivvis nga Fondacion Karnegi për Paqe Ndërkombëtare, ka shkruar se në skenarët e strategjive të lojërave luftarake në cilat ka marrë pjesë, e të cilat merren parasysh në lidhje me atë se çfarë do të ndodhte nëse Rusia godet Ukrainën me armë bërthamore, mënyra e vetme e uljes së përshkallëzimit është ajo kur “mbesin të hapura linjat e qarta dhe direkte të komunikimit mes Moskës dhe Uashingtonit. Në të gjitha lojërat tjera, bota në fakt shkatërrohet”.
Kjo është arsyeja se pse presidenti amerikan ka qenë i kujdesshëm për të mos ia dhënë Rusisë arsyen për të shkuar te armët bërthamore. Z. Biden e bëri të qartë se ShBA-ja nuk do t’i mbath çizmet për të shkuar në luftë në tokë, as ta krijojë zonën e ndalim-fluturimit, e as nuk do të kryejë teste të raketave balistike ndërkontinentale. Ajo që z. Biden ka treguar është se teknologjitë konvencionale kundërtank dhe kundërajrore kanë arritur në nivel të ri të kapaciteteve, duke bërë që forcat konvencionale pushtuese tokësore – përveç nëse nuk mblidhen në numra tepër të mëdhenj – janë pothuajse gjë e tejkaluar. Z. Biden ka qenë më mendjemprehtë se më shumë demokratë të pamend ose si shokët e tyre ideologjikë që janë në qeverinë e Boris Johnson.
I ballafaquar me prapambetjen e kushtueshme ushtarake, Putini e ka rifokusuar Rusinë në forcimin e kontrollit në lindje dhe në jug të Ukrainës. Lufta mund të përkeqësohet para se të përmirësohet. Ka funksionuar qasja e Kievit me mjete relativisht të kufizuara, megjithëse Rusia ka qenë në gjendje t’i ketë civilët si cak të sulmeve – pa dallim. Ukrainasit e kanë çdo të drejtë t’i përcaktojnë qëllimet e tyre të luftës. Kështu bëjnë edhe aleatët e tyre në NATO. Një nga qëllimet e tyre është të mos i shtojnë shanset që lufta të bëhet konflikt potencialisht bërthamor. Prandaj, udhëheqësit perëndimorë duhet t’i refuzojnë kërkesat provokuese për ndonjë përshkallëzim. Asgjë tjetër si kjo nuk do të jetë më e rrezikshme. /Telegrafi/
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Osmani organizoi pritje për përfaqësues të vendeve partnere të Kosovës pas takimit të Këshillit të Sigurimit të OKB-së
Capello zgjedh katër gjeni të futbollit, nuk e përfshin Ronaldon
Momenti kur Osmani i thotë Vuçiqit "Shihi në sy dhe kërkoju falje katër viktimave të krimeve serbe"
Fiton 300 mijë euro në javë dhe është titullar, ylli i Cityt merr vendimin përfundimtar për t'u larguar në verë
Pamje të Dubait nga hapësira – ja si dukej, para dhe pas përmbytjeve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj