Rusët thanë se nuk u është dëmtuar luftanija, ukrainasit publikojnë pamjet kur droni lundrues përplaset në të

Ministria e Mbrojtjes e Rusisë njoftoi të mërkurën se tre anije ukrainase pa pilot kishin sulmuar pa sukses luftanijen ruse Ivan Hurs, pranë Bosforit herët në mëngjes në Detin e Zi.

Në një njoftim për shtyp të publikuar në platformën e komunikimit Telegram, Ministria deklaroi se anija mbron gazsjellësin “Rrjedha Turke” dhe “Rrjedha e Kaltër”, të cilat transportojnë gaz, pjesërisht përmes Detit të Zi, nga Rusia në Turqi. Ata shtuan se anija “vazhdon të kryejë detyrat e saj”.

Njoftimi ka të ngjarë të rrisë tensionet në Detin e Zi, ku Rusia javën e kaluar ra dakord të zgjasë një marrëveshje që lejon Ukrainën të eksportojë në mënyrë të sigurt grurin nga portet e saj.

Lexo po ashtu Maksym shpëtoi vëllain e tij Ivanin nga vdekja e sigurt në Bakhmut, por jo edhe veten nga snajperisti rus – rrëfimi i ukrainasit 18-vjeç

Por ukrainasit publikuan një video të re sot. Anton Gerashchenko, këshilltar në MPB-në e Ukrainës, thotë se anija e tretë u përplas me anijen luftarake ruse, transmeton Telegrafi.

“Dje publikova një postim për anijen ruse të flotës së Detit të Zi, Ivan Hurs që u sulmua nga anijet pa pilot”, shkroi Gerashchenko.

Rusia pretendoi se “anija vazhdon të kryejë funksionet e saj” pa përmendur gjendjen e saj. Duket se droni i tretë arriti të dëmtojë anijen”, shkruan Gerashchenko, i cili ka postuar videon. /Telegrafi/

I posted yesterday about a Russian Black Sea Fleet ship Ivan Khurs that was attacked by unmanned drones.

Russia claimed "the ship continues to carry out its functions" without mentioning its state.

It seems the third drone did manage to damage the ship. pic.twitter.com/yQgQZPdm5I

— Anton Gerashchenko (@Gerashchenko_en) May 25, 2023