Plani Hapësinor për Parkun Kombëtar “Bjeshkët e Nemuna” për ta shndërruar zonën e Rugovës në një park nacional ka shfaquar pakënaqësi te rugovasit. Banorët kërkojnë që mos të vendoset ky plan, të ndryshohet ligji dhe prej ligjit të hiqen pronat private nga parku nacional. Ndërsa, nga komuna thanë se duhet ta mbrojnë edhe interesin e banorëve, por njëkohësisht edhe parkun.
Qytetari nga Peja, Veton Mujaj tha se mbi 330 persona në një debat publik njëzëri ishin kundër planit hapësinor për Parkun Kombëtar “Bjeshkët e Nemuna”, por siç tha ai, duket se ka hasur në vesh të shurdhër.
“Ne kemi të bëjmë me një ligj, ligjin për Parkun Nacional të ‘Bjeshkëve të Nemuna’, i cili është miratuar në vitin 2013 dhe është futur në fuqi në vitin 2015. Prej asaj kohe nuk ka pasur ndonjë veprim të caktuar te aktit nën ligjor. Unë e shoh këtë si një akt nën ligjor të ligjit për park nacional… Problematika që shkakton kjo laurë nëse vendoset, përveç pagesave, edhe pse ministri thotë se nuk do të ketë pagesa për banorë, mirëpo do të ketë për mysafirin e banorëve dhe njerëzit në shtëpitë e tyre do të kenë probleme. Banorët kërkojnë që mos të vendoset ky plan dhe të ndryshohet ligji, dhe prej ligjit të heqen pronat private nga parku nacional… Mbi 330 persona që ishin në debatin publik, njëzëri kanë folur kanë thënë jo. Me sa duket kjo prapë ka hasur në vesh të shurdhur, sepse në komisionin parlamentar, menjëherë ka kaluar për futjen në parlament”, u shpreh Mujaj.
Ndërsa, zëdhënësi i Komunës së Pejës, Faik Zekaj deklaroi se kanëkërkuar që të hiqet zona e parkut, sepse sipas tij, po u shkakton probleme në ndërtime dhe “askush nuk po merr përgjegjësi”.
Ai tha është projekt i mirë, por mbetet të shihet nëse do të votohet nga deputetët, derisa shtoi se dhe janë me shqetësimet e banorëve.
“Ne kemi kërkuar që të hiqet zona e parkut, për shkak se po kemi shumë probleme me ndërtime dhe aty askush nuk po merr përgjegjësi. Po besoj që është bërë një projekt i mirë, por mbetet të shohim në kuvend se si po rrjedhin apo si po reagojnë në kuvend…. Ata po kërkojnë që rampa të jetë vetëm për turista dhe jo për banorë. Unë besoj se kjo duhet të zgjidhet me një marrëveshje që është e nënshkuar dhe jo të mbetet me fjalë, që ka me qenë kështu ka me qenë ashtu. Eshtë në projektligjin që e kemi shprehur dhe jemi me shqetësimet e banorëve sepse neve nuk na levërdis, duhet çdo herë ta mbrojmë interesin edhe të banorëve, por në të njëjtën kohë duhet pasur parasysh që duhet ta mbrojmë edhe parkun”, potencoi Zekaj.
Ai shtoi se përmes dëgjimeve publike, janë adresuar ankesat e qytetarëve dhe se nuk është korrekte që disa njerëz që nuk e vizitojnë apo njohin Rugovën, të vendosin për të.
“Besoj që i kanë marrë parasysh shqetësimet e banorëve, për të votuar, dhe nëse jo nuk e di se si mundet të bëhet një plan kur nuk merren shqetësimet e atyre njerzëve që jetojnë atje. Nuk është korrekte që disa njerëz që nuk e vizitojnë apo njohin shumë Rugovën, të vendosin për të… Ne kemi pasur dëgjimet publike dhe kanë marrë pjesë dhe deputetë dhe ata do të jenë të arsyeshëm me kërkesat e banorëve që i kanë pasur në atë dëgjim publik. Dëgjimet publike, dëgjimet me qytetarë janë vendet ku ne duhet të ankohemi. Ajo ka qenë dita më e mirë që ne i kemi shprehur shqetësimet tona, ose banorët i kanë shprehur shqetësimet e tyre”, tha Zekaj.
Ndërkaq, qytetari Veton Mujaj potencoi se një numër i konsiderueshëm i ankesave të banorëve të kësaj komune nuk janë marrë parasysh.
Sipas tij, gjithçka ka shkuar duke i anashkaluar qytetarët.
“Ankesat e qytetarëve deri më tani nuk janë marrë parasysh, ato që kanë ndodhur, kanë ndodhur gënjeshtra, për shkak se kanë ardhë komisione të caktuara qeveritare që janë thirrur, por asnjëherë nuk janë takuar me banorë. Gjithçka ka shkuar duke i anashkaluar banorët, për shkak se e kanë ditur se banorët kanë pasur ankesa të arsyeshme dhe të fuqishme, që jo shumë lehtë kanë për t’i pranuar për t’i zgjedhur. Nuk shoh për momentin shumë shpresë që këta do të marrin ankesë të banorëve, gradualisht me punën që janë duke e bërë. Qeveria në këtë rast, nëse vazhdon kështu dhe parlamenti, këta me qëllim po shtyjnë një lloje revolte të kësaj popullate të vogël”, shtoi ai.
Kryesia e Kuvendit të Kosovës planin hapësinor për Parkun Kombëtar “Bjeshkët e Nemuna” ka paraparë si pikë të rendit të ditës për dy seanca të kaluara, megjithatë, seancat janë ndërprerë, duke mos arritur të shqyrtohet.
Ndryshe, plani hapësinor për parkun kombëtar “Bjeshkët e Nemuna” ka filluar qysh nga viti 2014./kp/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Server: Qeveria e re e Serbisë me bashkëpunëtorë të sulmit terrorist të Banjskës
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak