Ish-kryetari i Odës Ekonomike të Kosovës (OEK), Berat Rukiqi në emisionin “Përballje” në Telegrafi.com me kryeredaktorin Muhamet Hajrullahu ka thënë se Qeveria nuk po e pranon që ka krizë ekonomike në vend.
Rukiqi ka theksuar po ashtu se kur flitet për rritjen ekonomike në Kosovë, politikanët kanë një prirje për të manipuluar me shifrat.
“Politikanët kanë një prirje për të manipuluar shifrat. Kur thotë dikush 4.5 për qind rritje ekonomike, më e madhja në rajon, në Evropë, ne harrojmë se kemi bazën më të vogël të PBB-së, dhe kjo 4.5 për qind e jona nuk është as sa 1.1 për qind e një shteti të rajonit. Vazhdimisht ka pasur një tendencë e tillë për të përmendur shifrat e rritjes ekonomike si një sukses i madh. Jo gjithmonë kjo shifër e rritjes ekonomike tregon edhe rritje të mirëqenies se qytetarëve. Kur politikanëve nuk iu mbetet asgjë tjetër tentojnë të manipulojnë me këto shifra”, tha Rukiqi.
“Po të ishin rritur të hyrat nga aktiviteti i brendshëm ekonomik, sigurisht është dashur të vlerësohet, por janë rritur të hyrat për arsye se janë rritur shuma e TVSH-së që është paguar, e nuk është rritur për shkak të sasisë, pra mbi numrin e deklarimeve”, shtoi ai.
Sipas tij, po tentohet t’i iket nocionit të krizës ekonomike në vend.
“Kur flasim tani për këtë inflacion apo zhvlerësimin e kësaj rritje ekonomike, statistikisht Fondi Monetar Ndërkombëtar dhe institucionet e tjera financiare flasin për një shifër prej 8 për qind deri në 9 për qind. Kjo ka ardhur pas një rritje të konsumit, pas lehtësimit të masave. Në momentin që kjo zhvlerësohet, nuk mund të themi se ne nuk po merremi fare me ekonomi, se e kemi një rritje prej vitit të kaluar. Se pse ne jemi në këtë situatë është tashmë ai arsyetimi me rritjen ekonomike të vitit të kaluar dhe me këto shifra që po i përmendim vërdallë për rritje të të hyrave tatimore dhe buxhetore, ne tentojmë që t’i ikim nocionit të krizës. Qeveria e Kosovës nuk e pranon që ka krizë [ekonomike]”, është shprehur ai.
Ish-drejtuesi i OEK-ut thekson se për momentin ka vetëm krizë inflacioniste.
“Momentalisht e kemi një krizë inflacioniste dhe po shikohet me vëmendje në tregjet ndërkombëtare. Ka mundësi që të ndikohet të çmimi i naftës. Për pjesën e rritur, ne kemi kërkuar që të suspendohet për një periudhë të caktuar akciza dhe TVSH-ja”, theksoi Rukiqi.
Tutje, ai tha se ajo që ka ngecur në Kosovë është se Qeveria nuk po shpenzon asnjë cent dhe se ka asnjë bllokadë.
“Ka tendencë të rritjes së pagave në sektorin privat. Kjo nuk është për shkak të inflacionit, por si rezultat i motivimit të punëtorëve për t’i mbajtur në punë. Ka një shkallë të lartë të ikjes së punëtorëve. I inkurajoj kompanitë tjera që t’i rrisin pagat. Ajo që ka ngecur është se Qeveria nuk shpenzon asnjë cent, tashmë disa muaj. Nëse flasim për ndalje të një gjakderdhje financiare, nuk do të thotë të ndalen të gjitha projektet. Ka tendencë të krijohet një rezervë buxhetore, pra ka një bllokadë”, tha ai.
Rukiqi shtoi se Qeveria nuk ka lëvizur me shikimin e kontratave të prokurimit dhe se ka hezitime për të shkuar në projekte të caktuara.
“Qeveria nuk pranon, ose së paku deri më sot, nuk ka lëvizur me rishikimin e kontratave, që ka ndodhur në çdo vend. Ky rishikim për shkak të ndryshimit të çmimeve. Po shohim hezitime për të shkuar në projekte të caktuara. Siç ka qenë projekti me gazin, e shumë projekte të tjera madhore, të cilat do të ishin me vlerë të shtuar, për ekonominë e vendit, për punësimin dhe për adresimin e krizës”, tha Rukiqi.
“Vendit i duhet një lëvizje më e shpejtë e parasë dhe nuk pritet që kjo të vjen nga remitencat apo nga konsumi i brendshëm, duhen edhe investimet e brendshme. Është urgjente që të ketë një plan të Qeverisë që të ketë zhbllokim të investimeve kapitale”, shtoi ai.
Në fund, ai tha nuk po shihen veprime konkrete rreth krizës energjetike.
“Realisht çmimet e energjisë janë në rritje, dhe kontratat që po bëhen sot për dimër janë me çmime jashtëzakonisht të larta, në disa raste është dyfishi i asaj se çfarë është paguar dimrin e kaluar. Nuk po shohim veprime konkrete ndaj mundësisë që të kemi prapë krizë energjetike në dimër. Duhet të sigurohemi që blloqet të na punojnë brenda për brenda, e ta shohim se çfarë mund të bëhet”, ka përfunduar ai.
Ndryshe, Rukiqi në këtë intervistë ka folur për përfundimin e mandatit të tij në krye të Odës Ekonomike, duke treguar edhe sfidat gjatë këtij mandati. Sipas tij, pandemia COVID-19 dhe zgjedhjet e shpeshta e ndërrimi i qeverive kanë qenë sfidat kryesore për komunitetin e bizneseve në Kosovë. /Telegrafi/
Lufta Prigozhin - Putin
Më shumëNga Rubrika
30 vjet në shërbim të edukimit dhe të kulturës: Shtëpia botuese “Dukagjini” ju uron Ditën Botërore të Librit
Si i përdorin aplikacionet për konsum gjeneratat e reja në Kosovë?
Nesër mbahet shitja e 65-të aseteve e Agjencisë Kosovare të Privatizimit
Agjencia e Ushqimit del me sqarime lidhur me cilësinë e mishit në Kosovë
Fitoni dhurata ekskluzive nga Samsung në foleja.com
3, 2, 1 - Volvo gati për ty!
Veç thuj ej, EI Taxi është knej
Gjykata Komerciale e hedh poshtë propozimin për pezullim të procedurës përmbarimore ndaj Telekomit
Kush t’rahaton me punë përveçse Telegrafi Jobs?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj