Rriten masat e sigurisë për Gjukanoviqin, pas raportimeve për atentat

Drejtoria e Policisë në Mal të Zi ka njoftuar se ka hapur rastin lidhur me informacionet për planifikimin e pretenduar të vrasjes së ish-presidentit të Malit të Zi, Milo Gjukanoviq.

Është vendosur, siç thanë ata, që për arsye parandaluese të forcohen masat e sigurisë për Gjukanoviqin, “pavarësisht se nuk ishte planifikuar zvogëlim i mëtejshëm i fushëveprimit të tyre në periudhën e ardhshme”, transmeton Telegrafi.

Mediume të caktuara kanë njoftuar se një media është njoftuar nga zyra e ish-presidentit të Malit të Zi, se Gjukanoviq i ka njoftuar autoritetet kompetente malazeze se ka marrë informacione se ndaj tij po përgatitet një atentat.

“Drejtoria e Policisë ka njoftuar në fjalimin e saj të mëparshëm se ish-presidenti i Malit të Zi, Milo Gjukanoviq, si dhe disa zyrtarë ndërkombëtarë nga komuniteti i inteligjencës nuk e kanë informuar Drejtorinë e Policisë së Malit të Zi, se një grup i organizuar kriminal nga një shtet fqinj dyshohet se planifikonte të kryente një atentat, në bashkëpunim me shërbimet e sigurisë të një vendi tjetër fqinj”, u tha nga policia malazeze.

Lexo po ashtu Hoxhaj: Kriminelët serbë nga veriu i Kosovës, të përfshirë në planet e vrasjes së Gjukanoviqit

“Në periudhën para, gjatë dhe pas njoftimit në media, Agjencia e Sigurisë Kombëtare ka kryer bashkëpunim ndërkombëtar për të kontrolluar informacionin e marrë”, u tha ndër tjera.

Nga policia u theksuar se menjëherë pas marrjes së informacionit janë ndërmarrë masa dhe veprime nën juridiksionin e policisë, duke përfshirë edhe njoftimin e prokurorisë kompetente dhe lidhur me këtë është hapur rast.

“Duke pasur parasysh kufizimet në lidhje me mbrojtjen e të dhënave sekrete, mund të njoftohet se Policia, Prokuroria dhe Agjencia e Sigurisë Kombëtare po ndërmarrin masa dhe veprime të mëtejshme brenda juridiksionit të tyre në mënyrë të sinkronizuar. Në këtë drejtim, ndërkohë që procedura për përcaktimin e fakteve dhe rrethanave përkatëse, përfshirë edhe besueshmërinë e tyre, është marrë vendim për forcimin e masave të sigurisë të ish-presidentit të Malit të Zi për arsye parandaluese”, thanë për fund nga policia malazeze. /Telegrafi/