Nëse një vit më parë çmimi mesatarë i banesave të reja në Shkup ka qenë 1,100€ për m2, tani çmimi i të njëjtave ka arritur dyfishin në qendër të kryeqytetit. Sivjet kriza ekonomike ka ndikuar më së shumti në sektorin e ndërtimtarisë. Sipas Bankës Popullore të Maqedonisë, në tremujorin e fundit të vitit të kaluar çmimet e banesave janë rritur mbi 20%.
“Sipas të dhënave të Bankës Popullore, në tremujorin e tretë rritja ishte 21.2%, në të dytin 16.5%, ndërsa në tremujorin e parë rritja ishte 12.4%, Rritje dyshifrore ka pasur edhe në tremujorin e fundit të vitit 2021, më parë rritja e çmimeve ishte një shifrorë dhe varionte nga 2 në 6%”, njoftojnë Banka Popullore e Maqedonisë.
Sipas të dhënave nga agjencitë imobilare, çmimet e apartamenteve variojnë nga 1800 deri në 2200 euro për m2 në qendër të Shkupit dhe përreth. Nuk ka askund banesa në shitje nën 1100 euro sikur vjet.
“Të dhënat e regjistrimit të fundit tregojnë se më shumë se 1/3 e totalit të 839 174 apartamenteve janë bosh. 531 987 banesa janë të banuara, ndërsa pjesa tjetër 36,6% ose 307 187 banesa janë bosh. Nga komunat e Shkupit, më së shumti banesa bosh ka Qendra – 10 865 ose mbi 40% nga totali, ndërsa Çairi ka numrin më të vogël të banesave të zbrazëta ose 22,5% nga gjithsej 17 771 banesa”, njoftojnë nga Enti Shtetëror i Statistikave.
Ndërtuesit shpjegojnë se rritja e çmimeve ishte pasojë e pashmangshme e rritjes së madhe të çmimit të energjisë dhe materialeve të ndërtimit. Sipas informacioneve të fundit, janë rritur edhe kostot për tarifat komunale me mbi 40% dhe për blerjen e tokës për ndërtim. Por, nga Oda Ekonomike e Maqedonisë Veri-Perëndimore, thonë se këto çmime janë të fryra nga që kostoja e investimit është 600-700 për m2.
“Çmimet kanë pasur lëvizje të përgjithshme 25-30% në raport me momentet para krizës. Këto çmime nuk mendoj se janë reale, por nëse i krahasojmë me vendet e rajonit si Shqipërinë, Serbinë apo të tjerat nga Ballkani, mendoj se Maqedonia çmimet i ka më të arsyeshme në raport me këto shtete. Si mesatare çmimi është më i ulët, megjithatë dihet se kriza solli rritjen e gjitha materialeve ndërtimore, nga ana tjetër edhe mungesa e fuqisë punëtore, që janë faktorë në ndikimin e koston e lartë të çmimit”, tha Resul Hani, Oda Ekonomike e Maqedonisë Veri-Perëndimore.
Agjencia e Kadastrës së Patundshmërive, në raportin për vitin e kaluar, ka shënuar rritje drastike të numrit të shitjeve të regjistruara në krahasim me periudhën e njëjtë të vitit të kaluar. Nga janari deri në mars 2022 janë regjistruar 5,919 blerje dhe shitje, ndërsa në të njëjtën periudhë të vitit të kaluar 4,766. /Alsat/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
Profesori i kriminalistikës: Bandat ruse porositën sulm në burgun e Reçit në Shkodër, ja si u planifikua
AGK-ja dënon intimidimin publik të deputetit Dimal Basha ndaj gazetares së RTK-së
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City