Rrëzohet një aeroplan ushtarak në Ukrainë, raportohet për 20 të vdekur – pamje nga vendi i ngjarjes
Të paktën 20 njerëz kanë vdekur në një përplasje aeroplani ushtarak në Ukrainë, ka konfirmuar ministria e brendshme e vendit.
Sipas Euronews, përcjell Telegrafi, dy persona të tjerë janë plagosur dhe dy të tjerë janë ende të pagjetur.
Siç bëhet e ditur, 24 personat në bordin e avionit ishin pilotë ushtarakë dhe kadetë të Universitetit të Forcave Ajrore Kozhedub.
??BREAKING: An Antonov AN-26 military transport plane has crashed near #Chuhuiv, Ukraine. ?? pic.twitter.com/eIg4ZMNwPw
— CIA-Simulation Warlord ????? (@zerosum24) September 25, 2020
Rrëzimi ndodhi rreth orës 20:50 me kohën lokale (19:50 CET) afër qytetit lindor të Chuhuyiv, rreth dy kilometra larg një aeroporti ushtarak.
Njësitë e Ministrisë së Punëve të Brendshme, si dhe ekipet e urgjencës, u dërguan në vend me zonën e rrethuar nga policia.
Flakët që kishin përfshirë aeroplanin u shuan përfundimisht pak para orës 10 të orës lokale. /Telegrafi/
