Rrëfimi i Sharon Stone për prapaskenat në Hollywood: Producentët më bindnin të kryej marrëdhënie me kolegët

Në librin e saj, “The Beauty of Living Twice”, Sharon Stone ka rrëfyer se si producentët e filmave e kishin bindur që të kryente marrëdhënie seksuale me kolegët e saj, në mënyrë që të lidheshin më mirë dhe të krijonin kimi më të mirë para kamerave.

Aktorja ka një karrierë disadekadëshe në Hollywood, ndërsa falë librit të saj, fansat do të mund të lexojnë shumëçka nga përjetimet e 63-vjeçares, por edhe si është mashtruar në xhirimet e “Basic Instinct” – shkruan Variety.

Stone ka treguar se nuk e ka ditur se do të ekspozohej e tëra në skenën e famshme të kryqëzimit të këmbëve, si dhe skenën e kishte parë pasi montazhin ishte përfunduar në tërësi.

https://youtu.be/-K2TrZb2pIo

Pas filmit të famshëm, ajo e kishte përmirësuar kontratën duke kërkuar të përfshihej në përzgjedhjen e aktorëve, me të cilët do të luante në filma. Megjithatë, regjisorët nuk e kishin respektuar marrëveshjen dhe kishin zgjedhur njerëz që aktorja nuk i dëshironte.

Lexo po ashtu Në moshën 61 vjeçare, Sharon Stone e bën para publikut skenën e famshme nga filmi "Basic Instinct"

Më tej, në librin që do të dalë në fund të këtij muaji, Sharon ka treguar se një producent e kishte bindur të kryente marrëdhënie seksuale me një koleg, në mënyrë që të kishin më shumë kimi para kamerave.

“Producentët më vinin me pyetjen se a do të shkoja në krevat me kolegun aktor duke më bindur se filmi do të ishte shumë më i mirë nëse e bëja diçka të tillë”, ka rrëfyer Stone.

Po ashtu, në libër i ka përmendur edhe shumë detaje nga karriera e saje gjatë, skenat që është detyruar t’i xhirojë, keqtrajtimet, diferencat e pagesave ndërmjet aktorëve dhe aktoreve dhe shumëçka tjetër. /Telegrafi/

https://twitter.com/sharonstone/status/895313186190000128