Rrëfimi i Mike Tyson kur e zuri gruan në krevat me Brad Pittin, aktori e luti të mos e rrihte

Boksieri legjendar, Mike Tyson, ka marrë pjesë në emisionin e Conan O’Brien, ku ka rrëfyer edhe një herë për momentin kur e zuri ish-bashkëshorten Robin Givens (me të cilën ishte i martuar gjatë viteve 1988 – 1989) në dhomën e gjumit me Brad Pitt.

53-vjeçari ka treguar se marrëdhëniet me ish-gruan asokohe ishin prishur dhe ata ishin në prag të shkurorëzimit, ndërsa kishte vendosur ta vizitonte edhe një herë para se t’ia dërgonte avokatit dokumentet për divorc.

E kishte parkuar veturën para shtëpisë së modeles dhe e kishte pritur që ajo të kthehej në shtëpi. Mirëpo, bashkë me të kishte hyrë edhe Pitt, i cili asokohe ishte 26 vjeçar.

Tyson i ndoqi dhe hyri pas tyre duke i zënë në krevat. Ai ka thënë se po të mos hynte shpejt, me siguri ata do të ishin duke kryer marrëdhënie seksuale.

Lexo po ashtu Femrat me të cilat Brad Pitt ishte në lidhje para Angelinas, disa prej tyre janë befasi (Foto)

“Kur më pa, u zbeh i tëri. Ishte nën ndikimin e drogës dhe filloi të më luste që të mos e rrah”, ka rrëfyer Mike, i cili për këtë incident ka shkruar edhe në librin e tij autobiografik.

Edhe pse ish-kampioni i botës ka folur disa herë për këtë ngjarje, hamshori hollivudian asnjëherë nuk e ka komentuar këtë rast. /Telegrafi/