Rrëfimi i Aniston për familjen që e kundërshtoi angazhimin e saj në aktrim

Jennifer Aniston është një nga aktoret më të paguara sot në botë, me një kohëzgjatje prej tri dekadash. Sidoqoftë, fillimet nuk ishin të lehta për të, veçanërisht pasi ajo nuk kishte mbështetjen e familjes.

50-vjeçarja ka folur disa herë për marrëdhënien e saj të keqe me nënën e saj të ndjerë, ish-modelen dhe aktoren Nancy Aniston. Përveç kësaj, dihet që babai i saj, aktori John Aniston, gjithashtu ishte kundër asaj që vajza e tyre të merrej me aktrim, transmeton KP.

Sidoqoftë, Jennifer për fat të mirë për fansat e saj si dhe profesionin e aktrimit, vendosi t’u tregojë të gjithëve se kanë gabuar. Pas saj janë shumë role të suksesshme filmike dhe televizive, më domethënësja prej të cilave është një angazhim dhjetëvjeçar në serialin “Friends”.

Aktorja u paraqit në numrin vjetor të revistës ‘People of the Year’, këtë herë duke folur për marrëdhëniet e saj toksike me një familje që nuk besonte në të.

“Fillova të besoja në veten time në fillim të të njëzetave. Pjesa më e vështirë ishte të jem plotësisht e sinqertë me familjen time. Sidoqoftë, më çliroi dhe kjo është arsyeja pse unë jam bërë kaq e suksesshme në karrierë”.

Lexo po ashtu Jennifer Aniston rrëfen sekretin e trupit të përsosur në moshën 50 vjeçare

“Familja ime më thoshte se kurrë nuk do të bëja asgjë nga aktrimi. Kur dikush më kërkon ta bëj këtë, një magji zgjohet brenda meje për t’i treguar të kundërtën. Dhe pastaj erdhën ‘Friends’ dhe të gjithë panë që unë ende do të fitoja para”, ka deklaruar Aniston.

Për nënën e saj, me të cilën kishte një marrëdhënie shumë të turbullt, kjo gjë tash nuk e shqetëson shumë.

“Në fakt, nëna ime humbi gjënë më të rëndësishme. Unë mendoj se ajo u përpoq me të vërtetë, por ishte lufta midis problemeve të saj financiare dhe burrit që e la të hutuar plotësisht”.

“Padyshim që nuk ishte e lehtë të jesh një nënë beqare në vitet e tetëdhjeta”, ka treguar aktorja për nënën Nancy, me të cilën nuk kishte biseduar për nëntë vjet, dhe pasi u nda nga Brad Pitt, ato u afruan serish.