LAJMI I FUNDIT:

Rrëfehen familjarët e shqiptarëve të mbytur nga ura në Genova

Rrëfehen familjarët e shqiptarëve të mbytur nga ura në Genova

Në rrugën “Dum Alla” të Shijakut, në katin e katërt të një pallati, shtëpia e Kasem Djerrit, babait të Mariusit, i cili humbi jetën në tragjedinë në Genova ishte bosh.

Ata jetonin prej më shumë se 20 vitesh në Itali. Njëjtë si çdo vit, 22-vjeçari kishte ardhur bashkë me familjen, në fillim të gushtit për pushime në Shqipëri, duke mos e ditur që do të ishte hera e tij e fundit, kthimi në vendlindje.

“Fqinja më thirri, më tha Xhixhi djali i Kasemit, më duket se është Marjusi që ka ndodhur aksidenti në Genova. Na erdhi shumë keq, edhe dridhemi e tani kur e kujtoj… se nëna ju vdiq, kur kanë hyrë këtu, jetonin me të atin.. një marrëdhënie familjare e mrekullueshme”, tha fqinja Hatixhe Troka.

“Nëpërmjet televizorit, e pamë që dje urën, sot doli emri i atij. Tashi, kanë qenë si familje, para 10 ditësh. I ati, se e ëma u ka vdekur”, thotë fqinji tjetër Ilmi Fetahu.

Ndërsa, në Oblik të Shkodrës, prindërit e Admir Bokrinës, kanë hapur dyert e mortit. Admiri, shqiptari i dytë që humbi jetën në aksidentin në Genova, jetonte prej 20 vitesh në Itali dhe 3 vite më parë u martua.

“E kena marr vesh pas mesnate, nga ora 1 e natës. Duke shkuar në punë, u takua 10 min para me të shoqen, e ka lënë në shtëpi. Dhe shkoi për punë në hotel”, thotë xhaxhai i Admirit, Fatmir Bokrina.

“Ura që ishte në qendër, eliminonte trafikun dhe ai e bënte shpesh atë, ndoshta edhe dy herë në ditë”, thotë djali i hallës së tij Shkëlzen Iani.

Tragjedia në vendin fqinj është ndjerë edhe në Shqipëri, ku familjarët dhe të afërmit e viktimave, janë tronditur kur kanë mësuar lajmin në media. /Tch/Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori