Me Ronaldon në fushë, Unitedi nuk do të turpërohej me shtatë gola nga Liverpooli – deklarata e Louis Saha

Cristiano Ronaldo do t’i ndihmonte Manchester Unitedit që ta shmangte humbjen turpëruese prej 7-0 nga Liverpooli – ka thënë Louis Saha.

Të dielën, Djajtë e Kuq pësuan njërën prej humbjeve më të thella në histori, pasi pranuan shtatë gola në ndeshjen e Ligës Premier në Anfield.

Ish-sulmuesi i tyre, Saha, konsideron se turpërimi nuk do të kishte ndodhur nëse në skuadër do të ishte akoma superylli portugez, Ronaldo, të cilit klubi ia ndërpreu kontratën dhe ai po e vazhdon karrierën në Arabinë Saudite.

“Largimi i Ronaldos shënoi një fillim të ri për Unitedin dhe i ofroi Ten Hagut një faqe të zbrazët për ta mbushur, gjë që i ka mundësuar atij që të vendosë një mentalitet fitues te klubi”,është shprehur Saha për Compare.bet.

Lexo po ashtu Ten Hag shpërthen ndaj futbollistëve të United pas humbjes 7-0 nga Liverpooli: Ishte sjellje joprofesionale

“Tash kur mendësia e klubit është përmirësuar, mendoj se ata do të kishin bërë shumë më mirë nëse do ta kishin Cristianon. Padyshim që është vështirë të dihet me siguri, por kur e shoh Unitedin duke humbur 7-0 nga Liverpooli, vetëm mund të mendoj se Cristiano do të kishte ndihmuar”, ka shtuar ai. /Telegrafi/