Ronaldo po pret ftesën për të dëshmuar kundër Juventusit

Cristiano Ronaldo thuhet se po pret ftesë nga Prokuroria Publike e Torinos pasi vendosi të dëshmojë kundër Juventusit në hetimin në vazhdim të Prisma.

Prokurorët në Piemonte po ekzaminojnë nga afër praktikat financiare të Bianconerëve gjatë viteve të fundit, duke i akuzuar ata për falsifikimin e fitimeve të tyre kapitale përmes vlerave të fryra të transferimeve të lojtarëve. Po ashtu Juve po hetohet edhe për pagimin e pagave në fshehtësi gjatë fazave të hershme të pandemisë COVID.

Siç shkruan TMW, një figurë e rëndësishme në hetim është ish-ylli i Juventusit, Ronaldo, i cili tani luan te Al-Nassr në Arabinë Saudite.

Është gjetur një dokument sekret që premtohen pagat e pezulluara të yllit portugez dhe ishte firmosur nga drejtori sportiv i atëhershëm Fabio Paratici, por jo nga vetë lojtari.

Ronaldo nuk u pagua kurrë për ato 19 milionë euro të diskutuara në këtë dokument dhe pret t’i marr ato para. Ai është i gatshëm të dëshmojë kundër Juventusit në hetimin e Prisma-s dhe tashmë pret që Prokuroria Publike e Torinos të kontaktojë me të.

Lexo po ashtu Dybala rrezikon dënimin me një muaj për shkak të hetimit të Juventusit

Ekziston një mundësi që dëshmia e yllit portugez jepet nga Arabia Saudite dhe të shmangë udhëtimin në Itali.

Ronaldo gjithashtu mund të bëhet një paditës civil kundër Zonjës së Vjetër në mënyrë që të marrë paratë që i detyrohen, duke kërkuar rreth 28 milionë euro në total – 19 milionë euro sipas marrëveshjes plus tarifat ligjore dhe komisionet./Telegrafi/