Ronaldo i mohon spekulimet për lidhje të shumta (Video)

Futbollisti portugez, Cristiano Ronaldo, në një intervistë të dhënë para disa muajsh ka folur rreth spekulimeve që e lidhin atë me femra të ndryshme.

Intervista e tij është shpërndarë shumë në ditët e fundit, pasi ka pasur spekulime se e ka tradhtuar partneren e tij, Georgina Rodriguez, gjatë kohës sa ishte shtatzënë.

Superylli i Real Madridit thotë në video se ai është mashkull që i qëndron besnik një femre kur është në lidhje.

“Njerëzit thonë se kam 20 femra, mirëpo unë e kam vetëm një”, ka thënë ai kur është pyetur për thashethemet që e lidhin me femra të ndryshme.

https://www.instagram.com/p/BbPL41DnPxZ/

Modelja Natacha Rodrigues kishte deklaruar se ka pasur marrëdhënie seksuale me Ronaldon duke e tradhtuar të dashurën e tij shtatzënë.

Lexo po ashtu Modelja pohon se ka kryer marrëdhënie me Ronaldon gjatë kohës sa e dashura e tij ishte shtatzënë

Ajo kishte pohuar se ka fjetur me futbollistin në shtëpinë e tij në kryeqytetin spanjoll, pasi kishin kaluar disa muaj duke i shkruar njëri-tjetrit.

Edhe modelja, këngëtarja dhe aktorja greke, Ria Antoniou, kishte thënë se ka pasur aferë me CR7, mirëpo nuk e kishte treguar kohën se kur ka ndodhur romanca mes tyre.

https://www.instagram.com/p/BbaImIfFr0h/

Në ndërkohë, këtë muaj, Georgina solli në jetë fëmijën e parë të përbashkët të çiftit, vajzën Alana Martina. /Telegrafi/