Ronaldo flet pas het-trikut: Juventusi me bleu për mbrëmje si kjo, ky është mentaliteti i duhur për Ligën e Kampionëve

Juventusi ka arritur të shënojë fitore ndaj Atletico Madridit me rezultat 3-0, duke e përmbysur epërsinë e spanjollëve nga ndeshja e parë që ishte 2-0.

Portugezi Cristiano Ronaldo shënoi dy herë me kokë dhe një penallti për ta kompletuar het-trikun.

“Duhej të ishte një natë e veçantë, jo vetëm për golat, por për ekipin dhe qëndrimin e tyre të pabesueshëm”.

“Ky është mentaliteti që ju nevojitet në Ligën e Kampionëve dhe ne jemi në rrugën e duhur”.

Lexo po ashtu Lotët e Georginas dhe festa e djalit të Ronaldos pas kompletimit të het-trikut

Juventusi kurrë më nuk kishte bërë një rikthim të tillë në Ligën e Kampionëve.

“Kjo është arsyeja pse Juve më mori, për ta ndihmuar në netët magjike si kjo”.

“Atletico janë një ekip shumë i vështirë për t’u përballur, por ne jemi shumë të fortë dhe kemi dëshmuar se e kemi merituar të kalojmë”.

“Është shumë herët për të folur për finalen, le ta bëjmë hap pas hapi, në të njëjtën kohë”, ka thënë CR7 për Sky Sport Italia.

Me tre golat e sotëm Ronaldo shkon në pesë gola në Ligën e Kampionëve. /Telegrafi/

https://www.instagram.com/p/Bu7M7lsjvjn/?utm_source=ig_share_sheet&igshid=1rkthhvjwm1rf