Roma publikon listën për në Ligën e Evropës – mbesin jashtë dy transferimet e verës

Roma ka lënë nënshkrimet e reja Sardar Azmoun dhe Rasmus Kristensen jashtë skuadrës së Ligës së Evropës, por përfshinë të lënduarit Tammy Abraham dhe Marash Kumbullën.

Giallorossët arritën në finalen e këtij turneu sezonin e kaluar, duke kapitulluar ndaj Sevillas vetëm penalltive, pasi barazuan 1-1 në 120 minuta.

Kësaj radhe, Roma gjendet në grup me Slavia Pragën, Sherif Triasspolin dhe Servetten.

Lexo po ashtu Situatë tensionuese te Roma - Mourinho raportohet se është përplasur me disa lojtarë

Prej disa vitesh, Roma i është dashur të përballet me kufizimet e rrepta të marrëveshjes me UEFA-n mbi Fair Play-in Financiar.

Kjo përfshin ‘balancën e transferimeve’ – kështu që skuadra aktuale duhet të jetë e njëjtë ose më pak se grupi i sezonit të kaluar.

Nëse kjo vlerë është jashtë ekuilibrit, atëherë mënyra e vetme për ta rikthyer atë në nivelin e duhur është duke lënë jashtë nënshkrimet e reja në vend të atyre që ishin tashmë pjesë e ekipit.

Prandaj, për t’i lënë vend Lukakut, Roma duhet të lërë jashtë blerjet e reja Azmoun dhe Kristensen.

Lexo po ashtu Sabatini godet Mourinhon: Mos u anko më, me ardhjen e Lukakut ke skuadër për vendet e para

Në fakt, Jose Mourinho nuk ka dy lojtarë, sepse Abraham dhe Kumbulla janë të pranishëm për të bërë numrat, por ata nuk kanë gjasa të luajnë në fazën e grupeve, sepse po rikuperohen nga operacioni i ligamentit të kryqëzuar anterior.

Ka disa lajme të mira, pasi Nicola Zalewski, Pietro Boer, Edoardo Bove dhe Riccardo Pagano janë produkte të akademisë dhe për këtë arsye disponohen nën Listën B.

Skuadra e Romës

Portierë: Rui Patricio, Mile Svilar;

Mbrojtës: Chris Smalling, Evan Ndicka, Diego Llorente, Leonardo Spinazzola, Gianluca Mancini, Marash Kumbulla, Zeki Celik, Rick Karsdorp;

Mesfushorët: Bryan Cristante, Leandro Paredes, Renato Sanches, Houssem Aouar, Lorenzo Pellegrini;

Sulmuesit: Stephan El Shaarawy, Paulo Dybala, Andrea Belotti, Tammy Abraham, Romelu Lukaku;

Lista B: Pietro Boer, Riccardo Pagano, Nicola Zalewski, Edoardo Bove. /Telegrafi/