Matteo Darmian është drejt mbylljes së aventurës së tij në kampionatin anglez.
Reprezentuesi i Italisë është i lidhur me një rikthim të mundshëm në kampionatin italian Serie A.
Darmian iu bashkua Manchester Unitedit në verën e vitit 2015 nga Torino për një shumë rreth 20 milionë euro.
Por këtë edicion italiani nuk ka pasur hapësirat e duhura nën urdhrat e trajnerit portugez Jose Mourinho
Darmian ka luajtur vetëm katër ndeshje në Ligën Premier dhe për këtë nuk është fare i kënaqur.
Lojtari ka shprehur dëshirën e tij për tu rikthyer në Serie A, ndërsa Roma dhe Napoli janë vënë pas tij.
Sipas medieve italiane, United është e gatshme ta lë të lirë lojtarin të largohet nëse ndonjëra skuadër ofron 10 milionë euro.
Darmian ka kontratë me ‘Djajtë e Kuq’ deri në muajin qershor të vitit 2019. /Telegrafi/
