Role me mish të përzier

Përbërësit:

* 500 g petë të holla për pite
* 200 g mish i bluar viçi
* 200 g mish i bluar pule
* 1 presh
* 3 thelpinj hudhre
* 1 patëllxhan i gjelbër
* 150 gramë djathë i ri
* 1 lugë e vogël piper i kuq i bluar
* 2 vezë
* 1 decilitër vaj
* rigon, susam, fara lani, mëlmesa të përziera

Përgatitja:

1. Thelpinjtë e hudhrës grihen shumë imët. patëllxhani qërohet dhe pritet në katrorka. Gjithashtu edhe preshi pritet në katrorka.

2. Në pak vaj kaurdisen preshi dhe hudhra, pastaj shtohet mishi i bluar i viçit dhe mishi i bluar i pulës. Kaurdisen të gjitha duke shtuar ujë kohë pas kohe, derisa të zbutet mishi dhe derisa të shteret lëngu i tepërt.

3. Para përfundimit të kaurdisjes shtohen piperi i kuq i bluar, rigoni dhe mëlmesa sipas shijes. Të gjitha përzihen mirë. Masa e kaurdisur lihet të ftohet. pastaj i shtohet një vezë dhe djathi i ri.

4. Petët për pite priten në katrorë (12×12 centimetra). Nga dy katrorë palosen njëri mbi tjetrin, në mes u vendoset nga një lugë e masës së përgatitur, pjesët anësore palosen nga brenda dhe pastaj bëhen role.

5. Roletë e mbushura renditen në tavën e lyer me vaj dhe pastaj lyhen me vezën e tundur.
Përmbi u hedhet përzierja me susam dhe fara liri. Roletë piqen, derisa të skuqen, në furrë të nxehtë në temperaturën 200 gradë Celsius.

Këshillë shtesë: Roletë nuk bën të mbushen shumë me masën e përgatitur, me qëllim që të mos shkapërderdhen gjatë mbështjelljes. /Telegrafi/