Roberto Carlos: Salah as që do të guxojë të afrohet te Ramos

Real Madridi do të luajë me Liverpoolin në Ligën e Kampionëve, ndërsa në mend vjen ai dueli i Sergio Ramos dhe Mohamed Salah, që u bë i madh sidomos në finalen e sezonit 2017/18.

Edhe pse Roberto Carlos e thotë me shaka, sipas tij egjiptiani nuk do të guxojë t’i afrohet mbrojtësit spanjoll.

Në gjysmën e parë të finales në Kiev, një duel mes dy lojtarëve bëri që Salah të pësojë një dëmtim serioz në shpatull dhe të largohej nga fusha.

“Salah as nuk do të afrohet te Sergio”, e thotë me shaka Carlos, duke folur në media pas shortit.

“Do të jetë një ngjarje për të cilën do të flitet shumë”, deklaroi braziliani.

Tutje Carlos ndalet te ndeshja, duke thënë që Real Madridi është në formë më të mirë se Liverpooli.

Real Madrid or Liverpool 🆚 Porto or Chelsea#UCLdraw pic.twitter.com/qkRQOWXqak

— UEFA Champions League (@ChampionsLeague) March 19, 2021

“Ne do të luajmë kundër një ekipi të mirë. Ndeshja e parë është në shtëpi, dhe forma e Real Madrid është shumë më e mirë, ata duhet të marrin rezultat të mirë në shtëpi”.

“Gjëja e rëndësishme është që Zidane të ketë të gjithë lojtarët e tij gati, dhe që të dëmtuarit të kthehen sa më shpejt të jetë e mundur”, ka thënë Carlos. /Telegrafi/