Rizzoli: VAR-i ka bërë 16-18 gabime deri më tani në Serie A

Video Asistent Referees i njohur ndryshe si VAR ka bërë gabime 16-18 në Serie A këtë sezon, ka thënë deleguesi i gjyqtarëve italianë, Nicola Rizzoli.

VAR u prezantua në kampionatin elitar të futbollit italian në fillim të këtij sezoni, por teknologjia ka shkaktuar vetëm konfuzion kur është konsultuar dhe sipas shumë skuadrave ka pasur gabime.

I këtij mendimi është edhe deleguesi i gjyqtarëve në Serie A, Rizzoli, i cili ka thënë se deri më tani janë bërë 16-18 gabime në kampionatin italian.

Lexo po ashtu Zyrtare: VAR do të përdoret edhe në Botërorin e vitit 2018

“Duke mos përjashtuar asnjë ndeshje, [VAR] ka bërë 16-18 gabime gjatë gjithë sezonit në Serie A”, ka thënë fillimisht Rizzoli për Sky Sport Italia.

“Teknologjia nuk ju bën të imunizuar ndaj gabimeve, është e pamundur. Qëllimi është zvogëlimi i numrit të gabimeve”.

“Ne po ndjekim një protokoll shumë strikt ndërkombëtar, i cili është që të eliminojë sa më shumë të jetë e mundur diskrecionet e incidenteve”.

“Teknologjia duhet të ndërhyjë në situata kyçe. Le të themi që gjyqtari, duke folur me VAR, thotë, ‘për mua, mbrojtësi preku topin, nuk është penallti’, ndërsa VAR i përgjigjet, ‘jo, ishit gabim, ai nuk e prek, shko dhe rishikoje atë’.

Lexo po ashtu Capello: VAR-i përmirësohet me vendosjen e një trajneri pranë zyrtarëve në kabinë

“Ky është një shembull i qartë kur nevojiten shqyrtime. Duhet t’i referohemi një protokolli ndërkombëtar, një në shkallë globale”.

“Ne jemi gjithashtu të lidhur në një mënyrë që vetëm ajo që ndodh në fushë është gjykuar”, përfundoi ish-gjyqtari i njohur italian, i cili ishte për shumë vite edhe më i miri në Evropë. /Telegrafi/